कृष्ण गिरी

समय गतिशील छ भन्ने कुरा तथा समयले ठूलो ठूलो घाउ पनि पुर्न सफल हुन्छ भन्ने कुरा प्रमाणित भएको छ । मेरो दैनिकीमा गएको १२ र १३ गते मैले थप अक्षर कोर्न सफल नहुनुमा पनि एउटा कारण रहेको थियो मूल रुपमा भने विविध कारणहरू त आइनै हाल्छन् । मैले यो सेतो पानालाई धेरै कुरा सायद अवगत नगराउनु पर्ला यहाँ । किनकि ऊ त अन्तर्यामी नै पो छ नि हौ । मनमा यस्तै के के खेलाउँदै लेख्न थाल्छु म ।… हो साँच्चै मैले आफूलाई सामान्य नै बनाईसकेको छु । लाग्छ मलाई अहिले केही नै भएको छैन । हो केही भएको छैन । मैले आजको यो दैनिकी सुरु गर्नुभन्दा पहिले हिजो र अस्तिका केही सारांश अवस्य नै कोर्नुपर्ला कि जस्तो लागेर आउँछ ।