Skip to content

– सौरभ कार्की-

SaurabhKarki

छुट्यो नि – एउटा कविता

यहाँबाट यस्तै डाँडा – यसैगरी – के देखिएला र फेरि कहिल्यै ?
यो हावाको – ठीक यस्तै – कहिले होला र सङ्गीत सुरम्य ?
कुनै अर्कोदिन – के उड्लान् र चराहरू – एकनास फेरि यहाँबाट – नाप्दै आफ्नो गन्तव्य ?
र तिमी सोध्छ्यौ मलाई – केही छुट्यो कि यही कतै ?

आखिर छुट्नु नै के छ र ?
मलाई नभनेर – तिमीले – मनमा नै राखेका केही मीठा बातहरू ?
वा – मैले केही बोल्न नसकेर – भर्खरै – खुईइय गर्दै निभाएको ठुटो चुरोट ?
आखिर छुट्नु नै पो के र ?