अम्बिका जोशी

तिमी मुस्कुरायौ जून लजायो
बैंशालु मेरो खून लजायो ।

गीत गजल सब किनारा भएछन्
संगीतको सुमधुर धून लजायो ।

स्वार्थी छ संसार बैगुनी मान्छे
मधुर बोल्यौ बैगुन लजायो ।

सौन्दर्य सृंगार चाहिन्न केही
बहुमुल्य हीरा र सुन लजायो ।

धेरै पछि हाँसी हाँसी बोलेको दिन याद आयो ।
ढुक्कसँग मनका कुरा खोलेको दिन याद आयो ।

फैलिरह्यो चारैतिर तिम्रो अनि मेरो मुस्कान
जीवन रसमा खुसी मात्रै घोलेको दिन याद आयो ।