Purusottam
ब्रह्म : एक
स्थावर जंगम प्राणीहरूका रुप अनेकौं देखिन्छन्
आत्मा सबका साझा छन्, घटवासी त यौटै हुन्
सब भगवतकै रुप हुन् यी- म, तिमी र यो चराचर
आत्मा अद्वय, एक रस नित्य निरन्जन परावर
उठेर झिल्का अग्निबाट ठाउँ अनेक बल्न जान्छन्
झिल्का त साम्य हुन्छन् आखिर अग्नि एकै ठहर्छन्
सागर पनि त थोपा थोपा भएर संसार भरि झर्छन्
सबको काम पूरा गर्छन् अनि सागरमै गई गिर्छन्
गुरु महिमा
गुरुजी ! मेरो भाग्य खुलायौ
अन्धकारमा ज्योति जगायौ
प्यासी थिएँ म, प्यास मिटायौ
मिस्ठान्न नाना घरै पठायौ !!
अब म कसको शरणमा जाऊँ
हजुर जस्तो को सहयोगी पाऊँ ?
सेवा हजुरकै गरी बस्ने ठाउँ
मन्दिर आफ्नै मनमा बनाऊँ !!
हजुरकै शीतल छहारी पाएँ
त्यही पीपलको जरो समाएँ
यो रुख ढल्दैन भनी रमाएँ
जल तिर्थीकृत भरपेट खाएँ !!
पियुष कसले यहाँ छाडी दियो
पिएर ठण्डा यो हृदयै भरियो
भगवत् करुणा मिल्यो मलाई
पाएँ त्यो पियुष पिउनलाई //
आँतै रसिलो भयो आज मेरो
न त छ सुख्खा, न कहिं अँधेरो
जय गुण सागर पूज्य प्रभो
जय शिव शंकर तुल्य प्रभो //
शुभजन्मोत्सव ( अष्टचिरंजीवि पूजा ) विधि
पूजा गरनू शुभजन्मोत्सवमा अष्टचिरंजीविको
तिनकै पदमा शिर पनि धरी शरण पर्नु निको !
पूर्वबाट क्रमै संग पुजनू आठै दिशामा यथा
आठको पूजा सकी विचमा पुजनू देवी शष्ठिका !!
अश्वत्थामा ऋषि पुजेर पहिले पूर्व दिशामा अनि
आग्नेय कोणमा सभक्ति पुजनू श्री कृपाचार्य पनि !
गर्नू पूजा भक्तराज प्रल्हादको दक्षिण दिशामा गई
नैऋत्य कोणमा श्रीव्याश पुजनू एकाग्र मनको भई !!
दिती पुत्र थियो अघोर रुपको ( सप्ताह वाचन )
दिती पुत्र थियो अघोर रुपको आखा त सुनका थिए!
युद्ध घोर हुदा पाताल तलमा विष्णुले मारी दिए!!
बिष्णु रात कन बताउनु भयो प्रथम दिनको कथा !
दोश्रा दिन पनि ऋषभ चरित् बताउनु भो तथा !!
धर्मराज युधिश्ठीर प्रति पनि देवर्शी नारदजीले !
शाश्त्रोक्त वर्णन सुनाउनु भयो तेश्रा दिन भक्तिले !!
शुक स्वामीजीले बताउनुभयो राजा परीक्षित कन !
ययाती चरीत बंश बरणन गरेर चौथा दिन !!