सुरज लम्साल

१)
आएर जान्छ
सुटुक्क त्यो खुसी
पत्तै नपाई

२)
उतार् चढाब
आयो जीवनभरि
भोग्ने आफैले

ए भानु ! ए भानु ! भन न तिमी कहाँ छौ
एक पटक त बोल न तिमी जहाँ छौ !
हिजो अस्तिसम्म त यतै थियौ
मेरो बुढो हजुरबाको मुखार विन्दभरि
रामायणका श्लोक गुनजायमान गरी
पल्ला घरे हजुरमाको सुमधुर वचनसँगै
हाम्रो गोलो घेरा भित्र तिमी थियौ
तर
ए भानु आज तिमी कहाँ छौ !

गरिबको पिठ्यूँमा भारी छ अँझै
वर्गसङ्घर्ष देशमा जारी छ अँझै

लोकतन्त्र अनि गणतन्त्र आएपनि
घुसखोरीदेखि अत्याचारी छ अँझै

यहाँ मपाइँत्व बन्नेहरूको जमात छ
अर्कालाई निच भन्नेहरूको जमात छ

यसरी कति चल्छ र खै समाज यहा
मात्र स्वार्थमा चल्नेहरूको जमात छ