केवल-
आफूलाई अविश्वास गर्न सकिने
विश्वास मात्र बाँकी रहेको यो बेला
उफ् !
फेरि यो कस्तो धर्म-संकट आइलाग्यो –
स्कूलको वादविवाद प्रतियोगितामा
भाग लिने तयारीमा जुटेको
मेरो सानो छोरो
मसँग बारम्बार
कलम ठूलो कि बन्दूक ठूलो भनेर सोधिरहेछ
युद्ध त–
बुद्ध स्वयंमा युद्ध हो
मैले उसलाई
हिंसाको विरोधमा डटेको सुनेको छु
युद्ध त–
जन्मको संस्कार
र, निर्माणको बोली हो
आहा ! कत्ति मीठो हुन्छ युद्ध !
अप्ठ्यारो बाँच्नुको विरुद्ध
मैले–
पहाड फोर्दै बाटो बनाउने युद्ध देखेको छु
छिमेकी घरबाट
तरकारीको मीठो बास्ना आए पनि
झल्झली ! आमा-अनुहार संझेको छ,
साँझ-बत्ती सँगसँगै
निथ्रुक्क ! परेली भिजाएर
हरेक साँझ-
स्वास्नी-संझना वर्सने गरेको छ,
