मनबहादुर मुखिया

हे फूल चुँडेर लाने हो
यहाँ माली रोएको देख्यौ कि?
खुसी मिलन मनाउने हो
यहाँ विछोड भएको देख्यौ कि?

खलपुत्रद्वारा पिता नजरबन्द गरिएपछि
ताजमहलको संगीत लाटो भएको
थियो
खलपुत्रद्वारा पितृहत्या र मातृविवाहपछि
टाइरेसियसको
भविष्यवाणी
महाविनाशको शढ्खघोष भएको थियो

मेरो कथा खाली खाली वेदनामा खोज
मेरो व्यथा भत्किएको मन्दिरलाई सोध
रुँदा रुँदै हाँसिदिनु गाह्रो छ कि छैन
जली जली खाक हुने मैनबत्तीलाई सोध