विनोद भण्डारी

काम गर्ने बेला हुँदा, सुत्छौ अनि गल्ती हुन्न?
भएपछि ढिला धेरै, उठ्छौ अनि गल्ती हुन्न?

तयारी त चाहिन्छ नि, एकै चोटी कहाँ हुन्छ?
ताते गर्नु सिक्नु पूर्व, कुद्छौ अनि गल्ती हुन्न?

कति भूल्न सक्छ्यौ मलाई, था’ हुनेछ हेर्दै जाऊ
उति उति याद मेरा, आउनेछ हेर्दै जाऊ

तनका भोगी हुन्छन् सवै, मबाहेक तिमीसँग
कस्ले पो दिलले माया, लाउनेछ हेर्दै जाऊ

जातै पिच्छे टुक्रा टुक्रा बन्दै छ रे देश हाम्रो
मलाई बचाऊ हे सन्तति भन्दै छ रे देश हाम्रो

त्यत्रो भीषण युद्ध भयो आलै छन् यी घाउ पीडा
अझ्रै भन्छन् मुर्खहरू ठण्डै छ रे देश हाम्रो

पन्द्र हजार निर्दोषलाई सेरेर के भयो?
सहमतिका वुंदा मात्रै केरेर के भयो?

क्रान्तिकारी कम्यूनिष्ठ के नै पो गर्यौ खै
रातो पट्टि ललाटमा बेरेर के भयो?

राजा पछि लोकतन्त्र ,गणतन्त्र रटायौ
तन्त्र मात्र नयाँनयाँ फेरेर के भयो?

आन्दोलनमा जाउ भन्यौ नयाँ नेपाल बनाउँन
आजसम्म तिम्रै कुरा टेरेर के भयो?

तीनै चोटी आलु खायौ फेरि मौका चाइयो
म्याद थप्ने उही रमीता हेरेर के भयो?

कालापानि सुस्ताभीत्र झण्डा गाडेर देखाउ
आफ्नै भाको दरवारलाई घेरेर के भयो?