घनश्याम शर्मा पौड्याल

फगत् आँसु बगायौ यो दिल दुखाएर तिम्ले
बदलामा के पायौ यो दिल दुखाएर तिम्ले

तिमी बिना सक्दिन जिउन भन्दै हिड्ने मान्छे
झुटो कसम खायौ यो दिल दुखाएर तिम्ले

जति फूर्ती छाँटे पनि मर्नै पर्छ एक दिन त
सुन्दर् फूल फुले पनि झर्नै पर्छ एक दिन त

ठूलो सानो भन्ने भेद छुट्टाउने नै कसरी खै
मरेपछि चितामाथि पर्नै पर्छ एक दिन त

कोही भन्छ पहाड मेरो कोही भन्छ तराई
अखण्ड यो नेपालका कोही छैनन् पराई ।।

गरिबी र उत्पिडनले नेपाल आमा रुदाँ
खेली राछन फोहरी खेल देश खोक्रो हुदाँ
स्वाभिमानी बनौ अब देश विकास गराई
अखण्ड यो नेपालका कोही छैनन् पराई ।।

१.
घरमा चुल्हो नबलेपछि
हिजो ग्याँस खोज्न गएको ऊ
अँझसम्म फर्केन
अब म
ग्याँस खोज्न जाऊँ कि
उस्लाई ?