Skip to content

विन्दु दाहाल मूकदर्शक

20160310_BinduDahal-Lekh-01

कवि विष्णु न्यौपाने र वहाँको जन्मभूमि कविता सङ्ग्रह

साहित्य सिर्जना जीवन जिउने उच्च कला, सीप वा साधना मध्ये एक हो । दुनियाँलाई साहित्यको रसास्वादन गराई आल्हादित बनाउने काम जसकसले गर्नसक्ने लर्तरो कुरा पनि होइन । जोसँग यो विश्व ब्रम्हाण्ड चराचर जगतलाई बुझ्ने अलौकिक शक्ति, ज्ञान र क्षमता हुन्छ उसको हृदय पनि विशाल, शितल र महान हुन्छ । यस्तो फराकीलो हृदयले मात्र सिर्जनाको मूल फुटाएर जन्मभूमि, पूर्वज र अमर शहीदहरूको ऋण तिर्न सक्छ । यस्तै हृदय बोकेर विगत २२ औं वर्षदेखि निरन्तर साहित्य सेवामा आफूलाई समर्पित बनाउँदै आएका एक सिर्जनशील र प्रेरणादायी साहित्यिक प्रतिभाको नाम हो विष्णु न्यौपाने ।