यल्जी विवश
मुटु चिरिदिऊँ लाग्छ…/गजल
मुटु चिरि-दिउँ लाग्छ, तिम्रो वियोगमा
अलिकति पिउँ लाग्छ, तिम्रो वियोगमा !
***
हजार जन्म सँगै बाँचौ,भन्ने गर्थ्यौ तिमी
एक्लै अब जिउँ लाग्छ,तिम्रो बियोगमा !
***
तिमीबिना च्यातिएको टुक्रा-टुक्रा मुटु
समेटेरै सिउँ लाग्छ, तिम्रो वियोगमा !
***
खोला, सागर, ताल सबै सुके झै लाग्छ
भैं आँसु भरिउँ लाग्छ, तिम्रो वियोगमा !
***
गमलामा सजिएको फूल देख्दा पनि
उखेलेरै लिउँ लाग्छ, तिम्रो वियोगमा !!
******************************
नयाँ बर्ष (जब आरुका फूलहरु…)
जब आरुका फूलहरु
नयाँ आशा र उमङ्ग लिएर
मुस्कुराउँछन-बारीका डिलहरुमा !
जब शिशिरले
करङ्ग निस्किएका गिरिहरु
भरिन्छन-बशन्ती रङ्गहरुले,
अनि जब त्यहीँ हाँस्छ-एकमुठि हाँसो
सम्भावित
उज्यालो भबिश्यको स्वप्नमा-लालिगुराँश !
जब एकछिनलाई चल्छ-मन्द पवन,
अनि टरेर जान्छ
आँधी,तुफान र बादल-समस्याको
क्षितिजचुम्बी भिरबाट !
जब हाक्पारे,सालैज्यू र पालमको लयमा
गाउँन थाल्छे कोइलीले-हाम्रो पिरती ,
अनि जब हाम्रै
मारुनी, सेलो र चन्डिको तालमा
नाँच्छन-डाँफे,मुनाल र मयूरहरु !
जब भित्तेपात्रो झै
अनयासै फेरिन्छ-
घाउको एक पत्र !
तब
फेरि शुरु हुन्छ-
एक नौलो र बेग्लै अध्याय