Skip to content

bluesky

परेलीको थोपा

परेलीको थोपा कता झर्यो होला
ओंठको कुरा कता पर्यो होला

मनमा बोकेको भारी पनि थियो
फूल र काँडाको घारी पनि थियो

जून आएकै थिएन, अंध्यारोमा
एकलो पाइला कता सर्यो होला

खाली कागज एक हातमा थियो
कसैको नाम अर्को हातमा थियो

कलम पाएकै थिएन, त्यो गाह्रोमा
उसको माया कता मर्यो होला

द्रौपति अर्थात देश

द्रोणचार्य माथी बदला लिन
जब गरियो पुत्राकामेस्ठी यज्ञ
त्यही यज्ञकुण्डबाट जन्मिएकी हुँ म
म अर्थात द्रौपती !

खोइ कहाँबाट सुरु गरौ
सुनाउँन मेरो काहानी ?
कसरी बताउँ मेरो
जिवनको उकाली ओराली ?
कहिले कुन्तीले आदेश दिइन
मलाई बाडी खान पाच पाण्डवलाई
र म बनाइएँ – पन्चामी !
जब मती भ्रस्ट भयो युधिस्ठिरको
हानिएँ म जुवामा
फगत एक मुठ्ठी कौडाले गर्‍यो मेरो लीलामी !
दुर्योधन आदेश दिन्छन मलाई नङ्याउन दुशासनलाई
र भरी राजसभामा हुन्छ – मेरो चिरहरण !
कहिले पर्छु जयद्रथको अपहरणमा
त कहिले चिथोरिन्छु किचकको कामुक नजरबाट !

जसरी मैले भोगे कैयौ आरोह-अवरोह
सयौ हण्डर र घामपानी

भगवान

मेरो स्फूर्त, चञ्चल, हँसिलो छोरा
जब स्कुलबाट फर्किरहेको हुन्छ,
यति थकित, उदास र खत्र्याकखुत्रुक हुन्छ
पहाड हो कि स्कुलब्याग बिसाउँदै बिस्तारामा
‘पापा, खोइ हाम्रो भगवान् ?’ सोध्छ,
मानौँ, ऊ तेत्तीस करोड पराया भगवान् बोक्न अभिशप्त छ ।

नागरिकता

सिड्यो साब !
म मनमाया नेपाली
मेरो नागरिकता बनाइदिनुपर्‍यो
दुवै कान देखिने पासपोर्ट साइजको फोटो
मुचुल्का, सर्जिमिन र सिफारिस
केही पनि छैन मसँग
छैन मसँग बाबुको नागरिकता पनि
तर म यही धर्तीमा
१९ वर्षअघि जन्मिएको सत्य हो

SwapnilSmriti

जोकर व्यवस्था

जोकरबाट शासित हुनु कति कठिन छ !
राजा/महाराजा या तानाशाहबाटभन्दा कम छ ?
कृपया हाँसेर समय नबिताउनोस्
हाँस्दाहाँस्दै रोएर जीवन नबिताउनोस् ।

सोच्नोस्, किन ऊ—
बीरवल र अकबरका चुट्किला सुनाइरहेछ,
महाभारत र रामायणका झेली प्रसँग गाइरहेछ,

याद

बेस्सरी याद आउछ रात ढल्दै जादा ।
पीए मन भुलाउन तिम्रो याद गल्दै जादा ।।
नदेउ ऐठन त्यो याद हरूको ए पग्ली ।
रहुला खरानी त्यो यादभरी जल्दै जादा ।।

मेरो जकोस्टा आमाको समर्थनमा

महावाणी 
ओ ! मेरो जोकास्टा आमा 
अब म तिमीसित बिहे गर्छु,
र टाइरासीयस बूढोको छाला काढेर
एकजोर जुत्ता सिलाउँछु !
-श्री ५ हाङयुग अज्ञात
ओ ! मेरो जोकास्टा आमा 
जसरी नपुंशक समयको विरूद्घमा 
कुनै बेला
भर्जिन मेरीले येशु ख्रिष्ट जन्माइन्
तेसरी नै तिमीले जन्माइसकेकी छौ
बिना सम्भोग
बिना वीर्य
यौटा निख्खर र जब्बर मान्छे !
हो, आमा
त्यो धुर्मुस
त्यो घामट
त्यो अराजक
मै हुँ,
आमा मै हुँ त्यो आतङ्कवादी
जो महिनै नपुगी
तिम्रो पाठेघर च्यातेर
यो संसारमा निस्केको छ-
त्यो पापी मै हुँ आमा
जसले तिमीलाई कोखमै हुँदा पनि
लात्ती र मुट्कीले हान्यो

गजल

कस्ले भगवान बनायो
जानेर अञ्जान बनायो

सम्बन्ध मजबूद कती
कस्तो चिनजान बनायो

जान्मेर मर्ने रीत कस्तो
अजीब सम्मान बनायो

नसन्ने सून्छ यो दुनिया
अचम्मको कान बनायो

ऐस आराम मोज मस्ती
रात संगै बिहान बनायो
-२२असोज०७४

गजल

कस्ले भगवान बनायो
जानेर अञ्जान बनायो

सम्बन्ध मजबूद कती
मनको चिनजान बनायो

जान्मेर मर्ने यो रीत कस्तो
अजीब सम्मान बनायो

नसन्ने सून्छ यो दुनिया
अचम्मको कान बनायो

ऐस आराम मोज मस्ती
रात संगै बिहान बनायो
-२२असोज०७४

तिहार हाइकु

१)
शुभकामना
कूकुर तिहारको
कूकुरलाई

२)

दिपावलीको
मधुर दीपहरू
मधुरो भए

३)
मौषम उस्तै
फरक फरक छ
जाडो र गर्मि

४)
चाहाना तिम्रो
सगरमाथा जस्तै
होचिदै गयो

५)

औषीको रात
दीपको दिपावली
मन अध्यारो

IMG_5506

प्रतिद्वन्द्वीत कलम लिएर

साच्चै !
लाखौ जनताको ढाडमा बूई चढेर
भर्याङ थापेर
पेण्टागन भन्दा अग्लीएको तिमी
तिम्रो चूलि
तिम्रो ऊँचाई
तिम्रो शिखर
मैले नापेको छू
क्यानभाष भित्र
तिम्रो चरित्रको मानचित्र
खिचेको छु शिखरमान
तिम्रो प्रत्येक पाठ घोकेर कण्ठ पारेको छु
तिम्रो अध्यक्षतामा
बैठक बसेको बेला
प्रत्येक प्रस्ताव र निर्णयहरू
तिम्रो पेवा हुन्छ
मेरो जस्तै आखा फूलीपरेको बूढी औलाहरू
तिम्रो रजिस्टरमा
ल्याप्चे लाउन बाध्य छन
त्यसैले
अब तिम्रो बैठकमा तिमी एक्लै बस
म समन्वयको पर्दा उघार्न
अन्याय र अत्यचारको विरूद्धमा
संगठीत भएर
बुलन्द आवाज संगै
एकताको शुत्रमा बाधीएर
नया रजिस्टरको निर्माणमा
जुटी रहेको छु