कमलाकुमारी थापा

आबुइ नि ! यहाँ विकासको राजनीति हुँदैछ । राजनैतिक विसङ्गति र विकृतिलाई डाँडो कटाइएछ । आहा ! न त यहाँ प्रजातन्त्रलाई बाँदरको हातमा नरिवलजस्तो बनाइएको छ न कृषि प्रधान देशलाई कुर्सीप्रधान बन्न दिइएको छ । परीक्षामा अनुत्तीर्ण हुनेहरूलाई राजनीतिमा उत्तीर्ण हुन दिने छैन । नेताको नाम लिँदा नाक खुम्च्याउनु पर्ने छैन । शहिद भइसकेको छोरा फर्केर आउने आसामा बसेकी आमाको टट्याइसकेको आँखा र कुँजिएको गोडामा मलम लागेछ बाबै !