आनन्द

उसलाई देशभक्तिले छुदैन
नेताको पछि पछि नि हुदैन
न त देश बनाउने रहर छ
भन्छ बिगार्न पनि हुदैन

बोल्नेलाई त के नबोल्नेलाई बोलाउँदा पो
उसको नजरअन्दाजमा आफैंमा टोलाउँदा पो

जे सुकै होस् उनको भाव, सबै अब स्वीकार छन्
उनका ती भावहरू यी मनमा घोलाउँदा पो

हो मीरा अब म बोलाउँदिन । थाहा छ गहारो छ तर पनि म बोलाउदिन ।

कसैप्रति म यति नजिक भएको यो नै पहिलो पटक होइन । तर पनि मैले मेरो परिधि बिर्सेको छैन । मलाई मेरो सीमा थाहा छ र विश्वास गरमा त्यो सीमाना नाघ्ने छैन । र, हो तिमीबाट पनि भाग्ने छैन । भन्नलाई त यहाँ सबथोक छ, कमी छ त केवल एउटा साथ । एउटा हात जो सधैं सधैलाई एक अर्काको सहारा बन्ने छन्, हाँस्नेछन् रुनेछन् अनि कहिले अँझ नजिक त कहिले अलिक टाढा हुनेछन ।