गाउँछ गीत नेपाली (गीति एल्बम)

पन्छीमा डाँफे राम्रो फूलमा लाली गुराँस
हामीलाई लाग्छ राम्रो नेपाली धरती आकास

लाग्दछ मलाई रमाइलो मेरै पाखा पखेरो
हिमालचुली मन्तिर पानी भर्ने पँधेरो

नेपालीको छातीमा हिमाली छायाँ छ
नेपालीलाई नेपालको बिछट्टै माया छ

धरतीको छाती ज्योतिले पोती म भेट्न आउँला
सगरका तारा आँगनमा झारी दोहोरी खेलौंला

गाउँछ गीत नेपाली ज्योतिको पंख उचाली
जय जय जय नेपाल सुन्दर शान्त नेपाल

यो नेपाली शीर उचाली संसारमा लम्किन्छ
जुनकिरी झैं ज्योति बाली अन्धकारमा चम्किन्छ

म भक्त हुँ यो देशको
म रक्त हुँ यो देशको
कहिले पछि नसर्ने
म शक्ति हुँ यो देशको