मीतज्यू (गीति एल्बम)

म कसरी भनुँ यो माया हो न तिमी मेरी न म तिम्रो
बरू भनिदेऊ यो सपना हो जो तिम्रो हो अनि मेरो

केही चोटले ज्ञानी हुन्छ धेरै चोटले बानी हुन्छ
मेरो मन भाक या साँच मलाई अब जे गरे हुन्छ

ए मलाई माया गर्छु भन्ने हजुर
कहिले माया पनि देखाउने गर
तिम्रो टाढाको माया आइपुगेन मलाई
बरू आई मलाई सताउने गर

शिखर भने कहाँ अझैं कति टाढा
अहिलेसम्म जाँदैछु म एक्लै डाँडा काँडा

लौ सुन म भन्छु मेरो राम कहानी
त्यो एकदिनको घाम सयौं दिनको पानी

गल्ती हजार हुन्छन यहाँ होश हराएको बेला,
एक्लै तिमी नआऊ म मातिएको बेला ।