केही चोटले ज्ञानी हुन्छ

केही चोटले ज्ञानी हुन्छ धेरै चोटले बानी हुन्छ
मेरो मन भाक या साँच मलाई अब जे गरे हुन्छ

मान्छेले गर्ने कर्महरू केले असल खराब हुन्छ
आफ्नो अपजस हातहरूले जे गर्यो त्यही खराब हुन्छ
डढेको मन मध्यरात सबै एक छिनमा खात हुन्छ
मेरो मन भाक या साँच मलाई अब जे गरे हुन्छ

न त घृणाले आतिन्छु न त मायाले मातिन्छु
मलाई दोष देऊ या देऊ उपहार कालो रंगमा जे पोते हुन्छ
केको बत्ती नदेख्नेलाई मेरो दिनरात समान हुन्छ
मेरो मन भाक या साँच मलाई अब जे गरे हुन्छ

शब्द, संगीत – गोपाल योञ्जन
स्वर – नारायण गोपाल
एल्बम – मीतज्यू (गीति एल्बम)