Jpanjan

कुन दुनियाको संसारमा जाने हो जाउँ
जहाँ यास आराम मिल्छ त्यही जाउँ ।

कुन दुनियाँमा गयौ भेट्ने गाह्रो भयो
तिम्रो यादले मलाई जिउँदै मर्ने भयो

तिम्रो नाउँ गाउँदा गाउँदै घाटी सुक्यो
नाम कारेर बोलाउन मुस्किल भयो

किन जान्छ्यौ धेरै टाढा मलाई छोडी
तिमी बिना जिन्दगी सुन्यता भयो

तिम्रो सहयात्री बन्ने मेरो चाहना
पानी बिनाको डुँगा जस्तै हुने भयो

यो जिन्दगीमा खुसीनै खुसी खोज्दा
सधै गहभरि आँशुले नै भर्ने भयो

जे.पी अन्जान
दोहा -कतार
०४/०८/२०११

आफूले आफैँ बुझ्न सकिन
आँशु लुकाएर हाँस्न सकिन ।

सपनाहरू सिसा झैँ टुटिगए
खुसी कहिल्यै पाउन सकिन ।

दु:खको रणमैदानमा चोट खाए
बिजयको हात पार्न सकिन ।

नियतिलाई देखेर दिक्क लग्यो
आनन्दको अनुभूत गर्न सकिन ।

सधै पसिना बगाउँदा पनि
जसको मोलै पाउन सकिन ।

जे. पी अन्जान
दोहा – कतार
२/०८/२०११

दुखेको दिल छाती चिरेर देखाउन नमिल्ने ।
झरेको आँशु हाँसोसँग साट्न नमिल्ने ॥

आगोको रापमा जलिरहेको आत्मा बोकी ।
भोलि के हुन्छ भविष्यवाणी गर्न नमिल्ने ॥

मुटु दुखेर स्वशनै फेर्न गाह्रो भए पनि ।
जिन्दगीको अन्जान यात्रा रोक्न नमिल्ने ॥

जे.पी.”अन्जान”

हृदयबाट माया गर्छ्यौ भने, भन्दिन मेरो जीवनमा नआऊ
मेरो सहयात्री बन्छ्यौ भने, भन्दिन मेरो बाटोमा नआऊ

दोबाटोको चौतारीमा मनको भारी बिसाउन मात्र आउछ्यौ भने
स्वर्ग छुने दुई दिनको माया देखाएर मेरो नजिक नआऊ

बलेसीको पानी झैँ आँशु बगाएर मरुभूमिमा जलिरहेको बेला
क्षणिक रोमान्सको जात्रा हेर्न मेरो दु:खामा कहिल्यै नआऊ

जे.पी.”अन्जान”
दोहा-कतार