प्रेम प्रसाद भट्टराई

छोड अब बिदेश जान, फर्की आऊ हे परदेशी
यो आमाको बिन्ती मान, फर्की आऊ हे परदेशी

मानु रोप्दा मुरी फल्छ, बाझै छ खेत् मन जल्छ
खाऊ भात रोपी धान, फर्की आऊ हे परदेशी

आपसमा बाड्दै खुशी, परिवार सगै बसी
जे पाकेनी बाडी खान, फर्की आऊ हे परदेशी

गजल

भ्रस्ट चारी घुस्खोरिको मुटु तान्न आउँदैछु
देश द्रोही नेतालाई गोली हान्न आउँदैछु

बिदेशीको गुलामी भै झुट्टो बोल्ने नेता तिम्रो
जिब्रो झिकी तताएको तेल्मा झान्न आउँदैछु

कालापानी दशगजा टनक्पुर समेटेर
बिकासको ढोका खोल्ने नेता छान्न आउँदैछु

बिजुलि र बाटो पुल बनाउने बाहानामा
कती गारौ भ्रस्टचार सबै जान्न आउँदैछु

शाहीदकी आमा सधैं साथ दिन तिमीलाई
यो “प्रेमले” दिलै बाट आमा मान्न आउँदैछु

प्रेम प्रसाद भट्टराई
खोटाङ
हाल दोहा कतार

घरले जा जा र बनले आइज आइज भन्ने बेलामा
आसुका धारा खसाउदै तिम्री आमा धाउदैछु मेलामा
सात भाइ छोरा पाए खुशीले रमाए
बनी बुथो गरेर मुस्किल्ले हुर्काए
सुख र शान्ति पाउने
मिठो सपना सजाए
तर
सबै छोराहरू बिदेशतिर लागे
पखेटा लागेका बचेँराले गूड् छोडेर उडे जस्तै
आखिर बनाई छोडे म कुरुप आमालाई

कति सुत्नु हामी सधैं लौन अब जाग्नु पर्छ
सरकारसँग नयाँ संबिधान माग्नु पर्छ

चुनाबको चर्चा सुन्छु केका लागि होला कुन्नि
भोट माग्न आए भने छाला काडी टाग्नु पर्छ

नयाँ नयाँ खुशी हरु बोकी आउ नयाँ बर्ष
दु:ख पिडा हरु सबै रोकी आउ नयाँ बर्ष

असत्यको रजाईभो सधैं सधैं यो देशमा
असत्यको टाउकोमा ठोकी आउ नयाँ बर्ष

संबिधान नबनेको जुगै भयो नेपालमा
संबिधान सुरु मिती तोकी आउ नयाँ बर्ष

भेदभाब्ले सिमा नाघ्यो बितेका यी बर्षाहरू
समानता भन्ने पाठ घोकी आउ नयाँ बर्ष

यो “प्रेमको” मान्य छैन जता ततै धोकै धोका
धोकाकाती औंला हरु टोकी आउ नयाँ बर्ष

प्रेम प्रसाद भट्टराई
बुइपा – ८ खोटाङ
हाल – दोहा कतार

सम्झनामा मन रुने किन होला
बिछोडमा पीडा हुने किन होला

बेदनाले छाती पोल्दा आँखाबाट
तप्प तप्प आँसु चुने किन होला

नबोले त थाहै हुन्न को हो को हो
बोलेपछि मनै छुने किन होला

मन मनै आएकोछु मता तिमी नेर प्रिय
नपत्याए प्रेमी आँखा उघारेर हेर प्रिय

भेट् नहुदा माया हाम्रो कमी हुन्छ नसम्झनु
सम्झेकी छौ भने पनी सोचाइ त्यो फेर प्रिय

उमंगको उपाहार दिदै मैले सानु भन्दा
कति खुशी हुन्छौ होला तिमी त्यति खेर प्रिय

मिलन् हाम्रो भए पछि बिछोड् हुने छैन कैलै
जूनी जूनी संगै बस्छु मायै माया देर प्रिय

फर्किदैछु चाडै अब तिमी सँग रमाउन
यो “प्रेमको”उपाहार हासो खुशी लेर प्रिय

प्रेम प्रसाद भट्टराई
बुइपा – ८ खोटाङ
हाल – दोहा कतार

यसपालीको दशैँमा पनि आउन पाइन आमा
तिम्रो हातको टीका जमरा लाउन पाइन आमा ।

जय देवी भैरबी गोरखनाथ हे दर्शन लेउ
यो दशैँको मलसिरी मैले गाउन पाइन आमा ।

गजल कानैमा जमरा

पहेलै भए ढक र मक देवी थानैमा जमरा ।
दशैमा हजुर निधारमा टिका कानैमा जमरा ।।

पिङ्ग खेल्न जाउला दोहोरी हुइया सरर भन्दै ।
पिङ्गैमा बसेर दोहोरी गाउदा गानैमा जमरा ।।

आशिस थाप्ने मान्यजनबाट सिर ठाडो बनाइ ।
मन्यजनलाई मान गर्दा राख्ने मानैमा जमरा ।।

खेतका गरामा पहेल पुर धानपनी पाकेको ।
दसैंको बेला धानकाट्न जादा धानैमा जमरा ।।

केही क्षेणमात्रै रहर मलाई जमरा लउने ।
रहर पुराइ सिउरी दिउला छानैमा जमरा ।।।

प्रेम प्रसाद भट्टराई

भनिदेउ न कस्तो लाग्छ समुन्द्री छाल तिमीलाई
पर्खी बसेको छु भन्छ मझी दाईको जाल तिमीलाई

किन होला यो मझीको मन बुझ्न खोजेको
दिन दिनै बताइ रहेछु मेरो मनको हाल तिमीलाई