अमिर घिमिरे

जुधाई नजर पिलायौ अधर
भरोसा गरे मिलायौ जहर
जवानी तिम्रो अन्धो छ संसार
सजिलै गुलाम बनायौ शहर

डराउनु सट्टा म हासे किन
पत्थर कै अघी उठायौ पत्थर
बलुवा सही साथीत्व छाड्यौ
गुनासो छैन गरायौ बगर

बिझेको काँडा झिक्दैथे म त
दुनियाँ भन्छन झुकाए नजर
जुधाई नजर पिलायौ अधर
भरोसा गरे मिलायौ जहर

सासै फेर्न गार्हो भयो चारैतिर जहर छ
फेरि पनि बाचेको छु यही ठुलो खबर छ
मन बाट हटायौ बस्तीदेखि खेद्दै छौ रे
चाहे जति गरे हुन्छ तिम्रै सिंगो शहर छ