कुमार श्रेष्ठ
नुर
साउदीका हरेक पत्र-पत्रिकामा नुरको आत्महत्याको खबरले म आश्चर्यमा परेँ । म अफिस भित्रैको एउटा क्याबिनमा कम्युटरमा ब्यस्त रहन्थे । तर आज अचानक पत्रिका परेको नजरले अचम्मै बनायो । हुन त मलाई पनि कहाँ अरबी पढ्न आउथ्यो र ? राजको मोबाइलमा देखेको फोटोको कारणले चिनेको मात्रै हो । मैले प्रतक्ष्य देखेको भने थिइन ? कालो बुर्का (साउदीमा महिलाले लगाउने कालो लुगा) लगाएर यात्रारत हुन्छन् यिनीहरू । रुखले त बरु आफ्नो पात बोक्राले ढाक्दैन तर उनीहरूको शरीरको कुनै ठाँउ पनि ढाक्न बाँकी राख्दैनन् । राजलाई झुन्ड्याएर मारिएको महिना दिन नहुँदै नुरको आत्महत्याले म मात्र होइन नुरका परिवार पनि अचम्मित भए होलान् ।
न त साथ दिन सक्छौ न त सँगै मर्न सक्छौ