मीन थापा

अछाम बसाइँको क्रममै थिएँ । शिक्षण पेशामा लागेको पनि धेरै भएको थिएन । त्यस्तै तीन चार वर्षजति पुग्दै थियो । शिक्षक संगठनको कार्यक्रमको सिलसिलामा अछाम सदरमुकाम मंगलसैन जाने मौका जुरेको थियो । शिक्षक संगठनको नयाँ कार्यसमितिको चयन गर्नुपर्ने थियो । पुरानो कार्यसमितिको दुई वर्षे कार्यकाल समाप्त भइसकेको थियो । कार्यक्रम बन्दसत्र गरेर जम्मा दुई दिनसम्म चल्ने थियो ।

सुख जिन्दगीको कुन स्वर्ग
प्रक्षेपित रकेटभित्र छ
कुन आमाको गर्भाशयभित्रको भ्रूणसँग छ
खोज्दा नभेटिने
भोग्दा नभोगिने
सुख,
मन्दिरको कुन देवतासँग छ

मैले केही सोध्न नपाउँदै
आफ्नो व्यथाको अग्लो पहाड
ओठको सानो मुस्कानमा लुकाएर
कुनै अपरिभाषित सुखझैं
मेरो हालखबर सोधिहाल्नुहुन्छ
मेरो सञ्चोविसञ्चोमा
कैले हाँस्नुहुन्छ, कैले रुनुहुन्छ