आरपि निर्मल

अहो दशै आएछ !
कसैले दारु पिउदै दाम फिटिरहेछ !
कसैले दारु पिउदै स्वास्नी पिटिरहेछ!

भट्टीको बाँस हुदैछ !
सुन्दैछु साहुनी खास हुदैछ !
इज्जत सबै नास हुदैछ !
दशैको मुखैमा कसैको मदिरासगँ सहवास हुदैछ !!

मलाई सधै पछुतो र गुनासो हुन्छ कि मेरो नाम आरपि नभई अरु किन भएन । हाम्रो गाउँ, समाज, परिवेश, विद्यालय हुदाँ हुदाँ कक्षा पनि एउटै । पढाइमा कहिले को फस्ट कहिले को फस्ट हुन्थयौ । प्राय कक्षामा त हाम्रो अंक पनि बराबर आएको छ । परिक्षामा अल्फाबेटिकल अर्डर अनुसार म अगाडि पर्थे । भर्ना ऊ पहिला हुन्थ्यो ।

ऊ र म हरेकपल सङगै हुन्थ्यौ । उसलाई मेरा र मलाई उस्का हरेक कुरा अवगत थिए । जब कुरा हाम्रो पढाइको आउथ्यो । दुवै अपरिचित झै गर्थ्यौ । यतिका वर्ष सङगै पढ्दा नि उस्लाई जित्नुपर्छ भन्ने मानसिकता कहिल्यै हटेन । कक्षा दुईमा पढदा हामीले बाजी ठोकेका थियौ । कसले हाम्रो स्कुले जीवनका बढी खेल जितेर देखाउने ।