कपिल मणि

जिन्दगीलाई जुन दिनदेखि बिक्रीमा राखियो
लाग्छ भएभरका खुसीहरू गोजीमा राखियो

ऊ ! काडा हो बिझाउँछ भन्ने थाहा हुदाहुदै
फूल सम्झेर सधैं दिलको परिधिमा राखियो

यो नजरले त्यो नजरको ईशारा बुझ्न सक्छ
बुझेपछि मायाको दिलमा मुल फुट्न सक्छ

शृङ्गार गरी फूल तिमी नजिक आयौ भने
होस् गर मात्तिएको भँवराले चुम्न सक्छ

सुतेको छ सरकार लाग्छ, बिरामी भएर हो
कि सुत्न दिने बेकुफ जनता हामी भएर हो

यहाँ आन्दोलन भएको कारण यो हुनसक्छ
लाग्छ युवाहरू देशमा सबै बेकामी भएर हो

खतराहरू धेरै खतरा पनि हुन सक्छन्
बेवास्ता नगर्नु कडा पनि हुन सक्छन्

यो जिन्दगी एउटा किताब हो पल्टाउनु
केही तिता मिठा कथा पनि हुन सक्छन्