लालबहादुर भराली

१)
आउदिन होला फर्केर कोरोनाको लहरमा पुगेछु
जताततै देख्छु मान्छेको लास कहरमा पुगेछु
आमा घर आउन पाउँदिन मनमा दुःख नमान्नु है
कर्मको बाध्यताले आज कोरोनाको जहरमा पुगेछु ।

१)
आमालाई वृद्धाश्रम छाडी आएको देख्छु
अचेल छोराबुहारी मन्दिर धाएको देख्छु
नौ महिना गर्भमा राखेर हुर्काकी आमालाई
देख्न नसक्दा बाटोमा फाली आएको देख्छु ।

(१)
सगरमाथा जस्तो शिर हुनुपर्छ
गोर्खेको सन्तान भए वीर हुनुपर्छ
लाहुरेको सपना देख्ने आमा बुबाको
लाहुरेको जागिर खान त तक्दिर हुनुपर्छ