थाहा छैन, अँझै कति गोविन्दहरू मर्नेछन्
आफ्नै बारी खन्दा कति फूलहरू झर्नेछन्
गोहीका आँशुमाथि भर नपर्नु होला हजुर,
आँशु झार्दै यिनले रगतको ब्यापार गर्नेछन्
सुन्दैछु म, आज यो देशको चिरहरण हुदैछ।
पहरेदारबाट नै निहत्था देशको मरण हुदैछ।
लोभमा नझुक्ने अमरसिंह मुर्ख भएछन अब,
कातर संतानबाट प्रभुपदमा त्वं शरण हुदैछ।
एउटा डरलाग्दो किसिमको हल्ला, छ अरे बजारमा
चामल भनी कनिका बेच्नेको गल्ला, छ अरे बजारमा
रावणको झै अत्याचार चल्छ अरे खुलेआम जताततै,
अब रामलक्ष्मण जन्माउने सल्लाह, छ अरे बजारमा
तिमी नै हौ प्रित मेरो, तिमी नै हौ मीत मेरो।
तिमी हौ संगीत मेरो, तिमी नै हौ गीत मेरो।
जुन चुम्दै रात भरि, थोपा थोपा भई खस्ने,
घाम देख्दा लजाउने, तिमी नै हौ शीत मेरो।
मौका मात्र पाउनु पर्छ, नंग्याउने यहाँ छन।
सोझोलाई जबर्जस्ती, बंग्याउने यहाँ छन।
औंला भाचि हिसाब गर्दै नाफा-नोक्सानको,
सम्बंधहरुलाई शुलिमा, टंगाउने यहाँ छन।
थाहा छैन, अँझै कति गोविन्दहरू मर्नेछन्