जय छाङ्छा

पीपलको छाँयैछायाँ भएर
बेलको शीतलता ताप्दै
कनाट प्लेसको व्यस्त सडकमा
भर्खरै गर्मीले प्वाँख फैलाउँदै गरेको

शुक्रबारको दिनलाई गुड फ्राइडे भन्ने गर्छन् पश्चिमाहरू । शुक्रबार काम गरेपछि शनिबार र आइतबार बिदा हुने भएकोले पनि यस्तो भन्ने गरिएको होला भन्ने सोझो अर्थ लगाउँछौँ हामीले । पश्चिमाहरूको मात्रै पेवा हो र गुड फ्राइडे ? गुड फ्राइडे भन्ने चलन भएकोले ज-जसले चलनलाई मान्छन् उनीहरूको पनि हुनसक्छ भन्ने कुरालाई चरितार्थ गर्न मेरो परिवार र कुमार राईजीको परिवार शुक्रबारकै दिन पारेर नयाँ दिल्लीबाट विशुद्ध पर्यटकीय यात्रामा निस्किएका छौँ हरिद्वार, देहरादुन र मसुरीको सेरोफेरोलाई नियाल्न ।

एउटा सुन्दर, निष्कलङ्क वा वेदाग नाबालकको अनुहारमा अनुवाद भएर वाराणसीको बिहानी थपक्कै टासियो मेरा अबोध आखामा । मैले सुखद अनुभूतिका मुस्कान वरिपरि छरे वाराणसीको आगनभरि । डिसेम्बर २८, २००६ को बिहान साच्चै अलौकिक बिहानीजस्तै लाग्यो मलाई ।