छायाँ (गीति एल्बम)

सुन्नेलाई सुनको माला, भन्दिनेलाई फूलको माला
धोका दिए हाम्रो माया विरानो नै भै कहाँ जाला
मरिजाला झरिजाला हेर्दा हेर्दै बिलाई जाला

माथि तारे भीर, तल दरौंदी
लडौं कि मरुँ के पो गरूँ नि
के साँझ केको बिहान दुखै सिरानी
माया विरानो त मनै खरानी

छोडे पनि नछोडिने प्यार हो कि छायाँ
कि त सँगसँगै हिंड्ने यार हो कि छायाँ

पिपलु बोटैमा ऐंजेरु पलायो
सँगसँगै हिंडेको बाटो नै हरायो
दिन लाग्यो यस्तरी दैव नै खनियो
तिमी पूर्व म पश्चिम सबै नै सकियो

मेरो हजुरलाई के दिऊँ नि भेट
तारा दिऊँ कि जून दिऊँ इन्द्रेणीको सेट

हजारीफूल झैं बैश छ झुल्के घाम झैं जिन्दगी
तिम्रो र मेरो मायाको छैन है खोट केही पनि
कञ्चन पानी झैं, माया, कञ्चन पानी झैं

बिहान उठ्ने बित्तिकै हिमाल् देख्न पाइयोस
यी हातले सधैं सधैं नेपाल लेख्न पाइयोस

निष्ठुरीले छाडेर गैहाली
हेर्दा हेर्दै अर्कैकी भैहाली
एक्लो पारेर हो माया मारेर
निर्मोहीले हरिताल लाइहली
जिन्दगीमा धरधरी रुवाइहली
एक्लो पारेर हो माया मारेर