गीति एल्बम (चोली राम्रो)

कति माया लाग्छ रे मै ढुंग्रेमुन्द्रीको
आमाले माया गरी किनिदिएको
पूर्खाको पेवा पैसा गनिदिएको

झरेर फुलेको छहराको पानी
पढेर भुलेको म एउटा कहानी

मनको माया हजुरको कहिले पाउने हो
हुम्ला जुम्ला गाडीमा कहिले जाने हो
डुंगा चढी राराताल कहिले घुम्ने हो

कति जल्छौ आरिसले अँझै जल्दै गर
म त हेर्छु मेरै बाटो खुट्टा तान्दै गर

भन्छन् कोही जिन्दगी यो कर्कलाको पानी जस्तै हो
कोही भन्छन् जिन्दगी यो डुबिजाने घाम जस्तै हो
म त भन्छु सृष्टिको अमूल्य उपहार
मानिसको जूनी झैं के छ र बराबर?
बाँचुञ्जेल गरौं रमाइलो
नाच्दै गाउँदै गरौं रमाइलो

गोठालो जाँदा लाएको माया खेतालो जाँदा भुलेछ
पोखरा जाँदा गाएको माया काठमाण्डौं जाँदा भुलेछ
निष्ठुरी मायालु

चोली राम्रो पाल्पाली ढाकाको
हेराइ राम्रो मायालु आँखाको
झिल्के मजुर
ख्याल माया लाग्दैन हो तिम्रै हजुर