ambition

जिन्दगीको अन्तिम पल आउँदा कस्तो होला
आँखाअघि मृत्युले मुख बाउँदा कस्तो होला

शरीरभरिको बश्त्रहरू सारा उतारेर
सेतो कफन मैले लाउँदा कस्तो होला

मायाको सगर बगाई म त कुलो भैसकेछु
तिम्रो आखामा च्वास्स घोच्ने फूलो भैसकेछु

तिम्रो लक्ष्य बिशाल रैछ सगरमाथा सरि
कहाँ म त टुक्री टुक्री धुलो भैसकेछु

आफ्नै जीवन बोझ भई लतारिदैछु यहाँ

भन्दिन म आँसु पिई पलपल काटेको छु
धुजा धुजा परेको मुटु कसरि बाटेको छु

दिलको पीडा सागरसरी बिसाउँ कहाँ गई
नयनको चिसो लुकाई सबलाई ढाटेको छु

नआउ फेरी आंधी भई उडाउन मलाई

आमा अब छिटै मर्छिन् उपचार गर्ने कोहि छैन
बेहोशिमा छट्पटाउँदा’नि स्याहार गर्ने कोहि छैन

आँचल उनको लुटेराले तानी इज्जत लुट्दै छन्
हेरिरहन्छन् उनका छोरा प्रतिकार गर्ने कोही छैन

जग सारा छाड्थे पाए साथ हजुरको
अँध्यारोमा भर दिने हात हजुरको

मैले त आफ्नो जुनी सारा सुम्पिसकें
नपरोस् है देख्न कहिले घात हजुरको

सधै,
बिहान डुब्छु
एक कप चिया अनि
एक अखबरमा
दिउसो डुब्छु
हाकिमको गाली अनि
सेक्रेटरीको प्यारमा

अचेल नेपाली हर मौसम हर याममा ब्यस्त
कोही शहरमा त कोही गाममा ब्यस्त

पेट्रोल नपाउने पेट्रोलको लाममा ब्यस्त
पेट्रोल पाउने सवारिको जाममा ब्यस्त