subesh
आज फेरि एकान्तमा आँखा रसिएछहर जुनेली रातहरुमा
हर बासन्ती पालुवामा तिम्रै आभा देख्छु म त,
हर जुनेली रातहरुमा तिम्रै छाया देख्छु म त ॥
लेक – बेंशी, कन्दरामा तिम्रो निश्वास जस्तो वतास,
बुकी -फूलको सु-वासना तिम्रै साथ जस्तो आभाष ।
कोइलीले ‘कोहो ! कोहो !’ तिम्रै स्वरमा गाए जस्तो,
इन्द्रेणीले सातै रंग तिम्रै रुपमा पाए जस्तो ॥
हर कोपिला तिम्रै निम्ति फक्रिएको देख्छु म त,
हर जुनेली रातहरुमा तिम्रै छाया देख्छु म त ॥
पहरामा छंगिएकी स्वच्छ, निर्मल, कञ्चन झरना,
वन – पाखा हरियाली, तिम्रो मात्र तिम्रो बर्णन ।
प्रकृति-नियम
अनन्त फैलियो यहाँ फुटेर शूक्ष्म सैकत
पदार्थका कणा – कणा अनन्य शक्ति द्योतक
पदार्थ – शक्ति, सृष्टिका अगण्य द्वैत संगम
अनन्त्य कालको धुरी ! ब्रह्माण्ड घुम्छ फन्फन॥
॥१॥
अनन्त भौतिकी जगत् समस्त जीव, सृष्टिका
नक्षत्र, सूर्य, चन्द्रमा खगोलका निहारिका
नदी, समुन्द्र, हैमका चुली, पहाड, पर्वत
पदार्थ – शक्ति कै बडो बिराट रूप सार्थक ॥
॥२॥