नरेन्द्र घर्ती

गरिरहे माया मैले, तिमीमाथि असीमित
तर तिम्ले गर्यौ आज, मेरा ईच्छा बिपरित

जिन्दगी नै सुम्पिदिए, तन मन राखी सांक्षी
रित्तो हुँदासम्म आफू, क्यै पनि नराखी बाँकी
चोखो माया लाएको थेँ, मैले मात्र तिमीसित
उल्टै तिम्ले गर्यौ आज, मेरा ईच्छा बिपरित

कहीं नभाको रीत भयो हाम्रो प्रेम कहानीमा
बर्तमान छ न भबिष्य हर साँझ बिहानीमा

क्षणिकको रमझम हाम्रो लागि प्यारो भएछ
माया त मिलन अनि बिछोडको खेल रहेछ
भुल गरेछौ हामीले अन्धो बनेर जवानीमा
बर्तमान छ न भबिश्य हर साझ बिहानीमा

मुस्कुराउँदै जब तिमी उदाउँछौ क्षितिजमा
प्रितको न्यानो किरण पर्छ मेरो आँचलमा

लुकी लुकी मेरा कोमल शरिरमा गर्दै स्पर्श
अनायसै ह्रदयका कुना कुनामा दिदै हर्ष
बहकिन्छौ जब तिमी मन्द मन्द पवनमा
प्रीतको न्यानो सुबास छर्छौ मेरो यो मनमा

नाम तिम्रै जप्ने गर्छु बिहानी लाली उदाउँदा
सपनीमा पर्खी बस्छु त्यही घाम अस्ताउँदा

मन्को वरिपरि सधैं तिम्लाई पाएझै लाग्छ
हृदयमा खुसीका मीठा उमंग छाएझै लाग्छ
तिम्रै बारेमा सम्झेर एकान्तमा रमाउँदा
नाम तिम्रै जप्ने गर्छु बिहानी लाली उदाउँदा

रात दिन हराउँछु उन्कै न्यानो सम्झनामा
हरपल डुब्ने गर्छु उन्कै याद कल्पनामा

दुखी मन्का बेदनाहरू आँशुसँगै पिएको छु
तिता मीठा सम्झनाका साहराले जिएको छु

बाध्यताले आज हामी बिछोड हुन परे पनि
अतित हाम्रो जीवनमा आउँनेछ साथी बनी
तिमीलाई पनि मिठा केही पल दिएको छु
मैले तिनै सम्झनाका साहराले जिएको छु

मेरो बाटो काटी आज लुकेर गयौ तिमी
खाएका ती बाचा कसम चुकेर गयौ तिमी
बाह्रै महिना मूल बनी मौलाउला भन्नेले
आज उल्टै बर्खामा नै सुकेर गयौ तिमी

तिम्ले मैले पिरती को, रुप दिउँ केही भिन्न
अजम्बरी माया लाऊँ, नसकुन् कसैले छिन्न

कति माया प्रीति यहाँ, हुन्छन् मात्र बनावटी
स्वार्थ लुट्न कैयौ माया, हुने गर्छन् देखावटी
चोखो माया जीवनमा, गाह्रो पर्दो रैछ चिन्न
कुनै बस्तु पनि हैन, कहीं कतै पाइने किन्न

सुन्दर फूल जस्तै प्यारी
थिइन् उनी हिजो अस्ति,
आज तिनै मायालु मेरी
भै होलिन् कुन्नि कस्ती,

शुभ दिन बिहानीको, शित बनी आऊ तिमी
हृदयमा बास बस्न, प्रीत बनी आऊ तिमी !

नाता जोडी अँधेरीको, तारा अनी जुनसँग
भाव पोख्दै संगीतको, सुर ताल धुनसँग
मन मुटु स्पर्श गर्ने, गीत बनी आऊ तिमी
हृदयमा बास बस्न, प्रीत बनी आऊ तिमी;

सागरका निश्चल ती, लहरमा तिम्रै नाम छ
मेरो गीत गजलका, बहरमा तिम्रै नाम छ !

मधुरय संगीतम, समलाको ताल’हौं तिमी
प्राण मेरो जीवनको, ढुकढुकी चाल’हौं तिमी
जिन्दगीका अनगिन्ती, रहरमा तिम्रै नाम छ
मेरो गीत गजलका, बहरमा तिम्रै नाम छ ;

गाँजलु ती नयनमा, बस्न चाहे प्रियतमा
पवित्र त्यो अधरमा, पस्न चाहे प्रियतमा

सप्तरंगी ईन्द्रेणीमा, देख्ने गर्छु तिम्रै छाया
आफूलाईभन्दा बढी, लाग्ने गर्छ तिम्रै माया
जिन्दगीको यात्रा मेरो, अधुरो छ तिमी बिना
हृदयका सपना मेरा, अपुरो छ तिमी बिना ।