सुबास कोइराला

जेलभित्रै गोली चल्छ, गजब छ देश
कारबाही भोलि चल्छ, गजब छ देश

सज्जन जस्तै लाग्छन, साला जालीहरू
सुम्सुम्याउदै भाच्छन, कोमल डालीहरू

यी माग्ने नेतालाई, झोली देऊ न जनता
कति मात्रै सहने हो, बोली देऊ न जनता

भारी बोक्न जानलाई, एउटा पासपोर्ट दिन्न राज्य
जनधनको जिम्मेबारी, कही कतै लिन्न राज्य

चोक्टा सकेर झोलको लडाईं छ
सिरक सकेर खोलको लडाईं छ

टकराब केही होइन मात्रै ब्यक्तित्वको
आफ्नू आफ्नै मोलको लडाईं छ