सूर्य 'प्रकास' भुसाल

भाग लगाऊ पद नातेदारलाई, पुगे सालीलाई पनि
बनाउ सांसद लैजाऊ माथि, भ्रष्ट र जालीलाई पनि

हार्ने ठुस्स छन् झोक्राएका, जित्ने फुरुङग चंगासरी
सोझा जनता सोझो मन, झुक्किए यसपालिलाई पनि

यहाँ नेपालको आफ्नै, नाम चाहिएको छ
हरेक नागरिकलाई, काम चाहिएको छ

खै के बार्ता हुन्छ दिनहु, बन्द कोठाभित्र
कोहीलाई राज्य, कोहीलाई गाम चाहिएको छ

भत्केको घरको भित्ता टाल्न नपाउँदै
गुमाएका आफन्त को पीडा भुल्न नपाउँदै
म कसरी शिर ठाडो पारि हिड्न सक्छु र
अनि तिमीलाई खुशी बनाउन दशै र तिहारको नाउमा
म कसरी शुभकामना दिऊँ ?

गैडाकोटलाई गजलको, शहर बनाउनुछ
सबको मनमा बस्न सक्ने, वहर बनाउनुछ

खडेरीले सुकेका ,शेरका ती फाँटलाई
सिंचित गर्न सृजनाको, नहर बनाउनुछ

मुलुककै मध्ये भाग, भावनाको खानी यसमा
निशा पछि आउने सुन्दर, प्रहर बनाउनु छ