कोमलनयन

तिम्लाई माया गरे प्रिया
तिम्रै निम्ति मरे प्रिया

पत्तै नपाई दिल उडिगो,
प्रेमनगर’मा झरे प्रिया

परिभाषामा जिन्दगी अटाउन नखोज।
परेलीमा आँशु लुकाउन नखोज।

बुझिन्छ रहस्य आखिर सबै,
अचानोमा दाउ लगाउन नखोज।

हारै हो प्रेम सधैँ,
झुठो जित देखाउन नखोज।

बिर्सनु छ जिन्दगीलाई जिउन,
प्रेमील याचनाले सताउन नखोज।

बितेका कुरालाई कहिल्यै यसरी,
प्रिय नयन जताउन नखोज।

जिन्दगी एउटा विश्वास हो
हृदय त्यसको आभास हो

हरदम यहीं सोच आउँछ,
त्यो उनको सुवास हो

मनको भावलाई वहन देउन!
नसर्माइ अधर रहन देउन!

नभुल्नु तिमी बाहिर कतै,
डुबेर मनलाई सहन देउन!

चोखो मायालाई नलुकाई राख,
झरेपनी आशु झर्न देउन!

रुदारुदै हासेको थाहै नहोस् ,
ख्याल ख्यालैमा जिउन देउन!

बताइदेउ ससारलाई तिम्रो कोमलता,
अर्पेर सहजै जीवन देउन!

म अँझै कति मरूँ तिम्रो सम्झनाले
सक्दिन बाच्न अरु तिम्रो सम्झनाले

दुनियाँ पागल प्रेमी भन्छ मलाई,
हरवचनको घाउ भरु तिम्रो सम्झनाले

ए नशा त बिना कुनै नशा छैन!
तेरो मन्जुरी बिना सजायको मजा छैन!
मस्तिष्कलाई छेडेर कहाँ पुगाउछस् त?
यहाँ तेरो जस्तो कसैको कथा छैन !

तिमीले छोडदा आशुले परेली भिजाएथे,
ननिदाएरै रातहरु अनिदो-अनिदो कटाएथे,
भो सुनाउदिन ती बिरहका दिनहरु,
हासो सबै-सबै सुली चढाएथे,

हाँस्दामा देखिने दन्ते लहर उनको,
यो नयनलाई लाग्यो नजर उनको!

सुन्छौ साथी भन्दिछु सिधा सिधा!
आज भए मेरा पुरा रहर उनको,

आफ्नै दिल आफ्नै कहिल्यै भएन,
फेरिपनि तिमीलाई बिरानो सोचिन!

कति सरल थियो ऊ सोच्छौ होला,
कोमल मान्छे सग घरबार जमेन!

१)
मायाको एउटा गीत छ
सबैलाई प्यारो उहीँ प्रीत छ
जीवनको सहारा हो त्यो
हार होस् तर त्यसमै जीत छ

एकपल मौन रहिदिन्छु यो मौनतामा के छ सोचेर !
आफैंसग कुरा गर्छु यसैगरी तिमीसग बोलु भनेर !

आज मायाको गीतगजल गाउदिन म हुन्छ प्रिया ?
हेर सन्तान एक्लो भएको छ बाबाआमासग तर्क गरेर !

आजकाल ऐना हेरी सर्माउने गरेछु
जबदेखि तिम्रो प्रेममा परेछु

साथीभाइ पनि टाढाटाढा हुन थाले
कस्तो एकसुर एकोहोरो भएछु

कहिले खासमा भुलाई जिन्दगानी
कहिले आफैमा दुखाई जिन्दगानी

यात्रा मेरो अघि बढ्दै छ उस्तै
केही पनि नलुकाई जिन्दगानी

म कुनै जोर गर्दिनँ कसैलाई
तर अर्पण छ तिमीलाई जिन्दगानी

बुझेको छु बुझ्नु राम्रो लाग्छ मलाई
मजाको छ मलाई जिन्दगानी

नयन, नाम त याद होला मेरो
मेरै हो तिम्रो नजर हेराई जिन्दगानी

फेरिएका छन् उदेश्यहरु आजकाल
फेरिएका छन् आसयहरु आजकाल

मेरो विरुद्ध खडा भएकी छौ तिमी
फेरिएका छन् बिजयहरु आजकाल

हिजो माया थियो आज घृणा उस्तै
अजिब लाग्छन् भयहरु आजकाल

कुनै जमाना थियो खुसीको साथी
तिनै भए तुच्छ जयजयहरु आजकाल

म सहेरै जित्छु संसार हेर्दै जानू
मलाई प्यारा छन् पराजयहरु आजकाल

पहिलो हेराईको पहिलो प्रेम मेरो !
नजर जुधाईको पहिलो प्रेम मेरो !

सम्झनीले रातदिन एक भएको छ !
उनकै पर्खाइको पहिलो प्रेम मेरो !