दीपक भट्टराई

उज्यालोमै जिल्ल परे परून सारा देख्नेहरू
आऊ यस्तो गरौं माया ढलुन सारा देख्नेहरू

हातमाथि हात राखौ ओठमाथि ओठ हुन्छ,
डाहा गरुन भित्र-भित्रै जलुन सारा देख्नेहरू

जवानीमा मात्नु माती हत्तेरिका
के के भयो हिजो राति हत्तेरिका

बन्द गर्नु पर्थ्यो बत्ती बिर्सिएछ
उज्यालोमा हुन्न जाति हत्तेरिका

आज फेरी
मन व्यग्र छ
नचिनेझै गरि
गोरेटोमा पाइलाहरु पछ्याउन

आज फेरी
मन ब्यग्र छ
चौतारोमा बसी
यताउता आखाहरू बिच्छयाउन

आज फेरी
मन ब्यग्र छ
नदेखेझै गरि
दोबाटोमा
त्यो नजरसंग
यो नजर जुधाउन
तिम्रो स्विकारोक्ति अस्वीकारोक्तिको
प्रबाह नगरी
तिमीलाई एकनाश हेरिरहन

आज फेरी
मन ब्यग्र छ
चाहनाको नशामा बेहोश भएर
प्रेमप्रस्ताव गर्न
प्रेममा अराजक हुन्
चिच्चयाएर हास्न
कराएर रुन
दुनियाको नजरमा
फेरी एकपल्ट पागल हुन्
हो आज फेरी
मन ब्यग्र छ

दीपक भट्टराई@

आधा घण्टा सँगै बसी गर्नु थियो कुरा
मनको कुना भित्रै पसी गर्नु थियो कुरा

जति थिए मनभित्र उम्लिएका इच्छा,
माया जालमा आफैं फसी गर्नु थियो कुरा