केशब मगर

मेरो प्रेम,
कसैले पाना भर,
पाना पाना भर,
सिञ्चिएर लेखिदिएको मात्रै भए पनि,

मेरो प्रेम,
यसरी बग्दिएर,
हरफ हरफ,
हरफ भर,
बोलिदिएर सजाइदिएको भए पनि,

के भन्ने हो, हजुर? के भन्ने? सोध्नुहुन्छ? म को?

तपाईं जे पड्दै हुनुहुन्छ, तपाईंसँगै एउटा मधुर आवाज बोलिरहेको छ, म त्यही आवाज हुँ, हजुर !

हामी हुनुको मूल्य छैन ।
हामी हुनुको महत्व छैन ।
हामीहरू कहिल्यै नसुनिने आवाज हौँ,
नदेखिने रश्मि हौँ,
सय वर्ष पछि,
हजारौं हजार वर्षहरू पछि,
हामी,
हामी नै हुनुको अर्थ नबोक्ने मानव हौं ।