dotpen
भकुण्डो र प्राण एकै रहेछ
म हेर्दै छु ऐले भकुण्डो घुमेको,
छ बाईस खुट्टा उसैमा ढुकेको।
भकुण्डो डराई यताबाट भाग्यो,
उता नै पुगेको डराई उ फर्क्यो।
भकुण्डो भकुन्ड्या उदै ती अगाडी,
दगुर्दै हिनेका उसैका पछाडी ।
दुई पोल बीचै पसी बस्छु भन्दै ,
गुडेको हवामा समातिन्छ ठ्याक्कै।
दुई पोलको बीच नाची रहन्छन्,
छ आत्मा यसैनै चलीनै रहन्छन्।
अपानै र प्राणै नचाई रहन्छन् ,
भकुण्डो र प्राणै समानै रहेछन् ।
भुजंगप्रयात छन्द
यही नै हो विज्ञान त
यही नै हो विज्ञान त
ज्ञान-विज्ञान हुन् जोडी , अभिन्न योग हुन् यिनी ,
एकअर्का विना यी त, अन्ध अपांग हुन् यिनी।
सुने जाने पढेका ती, पुराण आप्त ज्ञान हुन्,
यी र यस्ता सवै राय , उनै भण्डार ज्ञान हुन् ।
गुरु वचन ज्ञानैका , पुस्तक ज्ञान वर्धक,
अनुभव विना हुन्छन् , सवै ज्ञान निरर्थक ।
हुन्न कुशलता पूर्ण, ज्ञान विना कुनै पनि,
प्रयोगवाट जानेको, कुशल काम हुन्छ नी ।
साधन ज्ञान हो मात्र, साध्य विज्ञान लक्ष हो,
साधन हेर्नु स्वयं नै, साध्य दर्शन-आत्म हो ।
रुघा
गला भित्रै अड्के छ खस खस गर्ने अधिक नै,
रुघा भन्ने जातै ज सकस दिने भो अधिक नै।
सिटामोलै ल्याएँ नजिक पसलै बाट पनि मैं,
छ एलेग्रा अर्को नि किनिकन खाएँ जलसितै।
नबोलाई हाच्छ्यू पनि नजिकआई कनबसी,
म हूँ तिम्रो साख्खै भनिकन मुखैमा नजिकनी।
पकाई बेसार्दूध पनि गरियो सेवन कती,
सुताएला यस्ले कति दिन हुने हो असर नी।
यस्तो लोकतन्त्रमा नेपालै रहने छर ?
छोरो गणेश जन्मेको ,शिव चालै न पाउने,
द्वार पाल बनेको छ ,बाबु भन्नै नपाउने।
विदेशबाट फर्केका , बर्षौँ पछि घरै पुगे,
द्वारपाल खडा देखे, संग्राम ऊ सितै गरे।
घम्सा घम्सी भयो त्यहीँ, शिरच्छेदन नै गरी,
क्रुद्ध हुँदै पसे भित्र, सोद्छन् त्यो वीर को भनी?
गणेश नाम उस्को हो, मेरै प्रथम पुत्र हो,
नारीको सृष्टि गर्ने नै , पहिलो अधिकार हो।
मात्रृसत्ता थियो त्यहाँ, नारीको अधिकार हो ,
बाबुले नचिन्ने केटो, छोरो मान्नै परेछ हो।
कलीमा पार्वतीभन्दा , कुनै क़ुरा कमी छत ?
अष्ट प्राणायाम
सकेसम्म बढी तान्नु , बाहिरी वायु बेसरी । त्यसैगरी छिटो फाल्नु भस्त्रिका हुन्छ त्यसरी ।… Read More »अष्ट प्राणायाम