Karan.Biwasha

देश बनाउने नौलो विधान, देऊ न ए सरकार
भ्रष्टको घाटी रेट्ने कानून, देऊ न ए सरकार
देश हाम्रो अन्यायमा, फसिरहेको छ दिनका दिन
अब छिट्टै देशमा संविधान, देऊ न ए सरकार

खडेरीले गर्दा यी डाडा काडाहरु, सुक्लान भन्ने चिन्ता
सारा युवा गरीबीले गर्दा, खाडी मुलुक पुग्लान भन्ने चिन्ता
पढेर नी गतिलो जागिर पाईन्न, यो वर्तमान परिवेशमा
गिट्टि वालुवा चालु भने, यी हातहरु दुख्लान भन्ने चिन्ता

जुलुस निकाल्दै, आन्दोलन गर्नै पर्छ अब
झण्डा ऊचाल्दै, आन्दोलन गर्नै पर्छ अब

अति भो देशमा, दुष्कर्म र पाखण्डी पारा
समय नियाल्दै, आन्दोलन गर्नै पर्छ अब

देश राष्ट्रियता र,स्वाभिमानका खातिर पुत्लाहरू
यी दलालका बाल्दै, आन्दोलन गर्नै पर्छ अब

सहि को? गलत को?,एक-एक गरी देशका कंयौ
कलङ्कहरू फाल्दै, आन्दोलन गर्नै पर्छ अब

भ्रष्ट र भ्रष्ट्राचारी, देश सिध्याउनेका शिरहरू
अचानोमा छिन्दै, आन्दोलन गर्नै पर्छ अब

मेरो त ईज्जत अनि औकात ठूलो, भनि फुर्किनेहरू पनि देखेको छु…….!
नाम र सान मेरै मात्र यत्रतत्र जहातहि, भनि तम्सिनेहरू पनि देखेको छु……..!!
के-के न देखेको छु यो कलियुगमा, वर्णन गरी साध्यै छैन आज यहाॅ…………!!!
रुखो वचनले ठोक्छन मुटु माझ, अनि आफै ठुस्किनेहरू पनि देखेको छु……….!!!!

बाढी पीडितहरूलाई, राहत दिलाएकै राम्रो
रोदनमय ती पीडाका, घाऊहरू भलाएकै राम्रो
बाढी प्रभावित क्षेत्रमा, नेताहरू पठाउनुभन्दा
राहत सामाग्रीसॅगै, बिज्ञ व्यक्ति पठाएकै राम्रो

मेरो त ईज्जत अनि औकात ठूलो, भनी फुर्किनेहरू पनि देखेको छु
नाम र सान मेरै मात्र यत्रतत्र जहातहीं, भनी तम्सिनेहरू पनि देखेको छु
के-के न देखेको छु यो कलियुगमा, वर्णन गरी साध्यै छैन आज यहाँ
रुखो वचनले ठोक्छन मुटु माझ, अनि आफै ठुस्किनेहरू पनि देखेको छु

अचेल मेरो देशको शिर दु:ख्छ, र पो नालापानी रुन्छ
देशको अस्मितामा पराईको नजर पुग्छ, र पो कालापानी रुन्छ
ढलेका छन लाशहरू यत्र-तत्र, कस्ले जोगाउछ देशको स्वाभिमान यहाँ
झिसमिसे मै बग्छन रगतका खोलीहरू, र पो हर बिहानी रुन्छ

देश बनाउने नौलो बिधान देउन ए सरकार
भ्रष्टको घाटी रेट्ने कानुन देउन ए सरकार
देश हम्रो अन्यायमा फसिरहेको छ दिनका दिन​
अब छिट्टै देशमा सम्बिधान देउन ए सरकार….

नेपाल भूमिका निम्ति केहि गर्न बाचेको मान्छे
एक मुठी सास साचि अगाडी बढेको मान्छे…..
शान्तिलाई भित्र्याउन नेपाल भूमि भित्र भनेर
हजार पल्ट अशान्ति सङ्ग लडेको मान्छे…….

अर्काको शिरमा टेकी, अघि हिन्नेहरू छन यहाँ
दीन दु:खी असहायकै, गास निल्नेहरू छन यहाँ
कस्तो नीति नियम गणतान्त्रिक नया नेपालमा
आफ्नै पेट भर्नलाई, मात्र भिड्नेहरू छन यहाँ ।

अभाग्गी मान्छे भएछु दैवले नि ठगेसी
को नै रह्यो र साथमा आफ्नो मान्छे पर-पर सरेसी
मर्नु न बाच्नु भाछ जिन्दगी यो आज मलाई
दु:ख पीडा मेरो भागमा खुशी जति सारा तिमीले लगेसी

बिरक्तिएर जिन्दगीमा रमाउनु पर्छ कहिलेकाहीं
आँशु थोपा मै परेली सजाउनु पर्छ कहिलेकाहीं
यस्तै यस्तै नियति पर्दाका पीडा सहन गरेरै
जलेको मनमुटु नि हसाउनु पर्छ कहिलेकाहीं