Skip to content

'आफ्नै डायरीका पानाहरुबाट'

खाडितिर………..!

पसिना चुहाएर गिट्टी कुट्न, त्यो खाडी तिर पठाएर
सन्चो बिसन्चो नभनी खट्न, त्यो खाडी तिर पठाएर
सरकार नाक ठुलै पार्छ,युवालाई रोजगार दिदैछु भनी
रातदिन नभनी बालुवा चाल्न,त्यो खाडी तिर पठाएर

मुक्तक……………………(बालापन )

ढाकाटोपी दाउरा सुरुवाल,गुन्युचोलीकै रहनसहन मन पर्छ
जिन्दगीका रङ्गहरु नियाल्नलाई, मलाई एक्लोपन मन पर्छ
कति आनन्द हुन्थ्यो उबेलामा, बाआमासँग जिद्धी गर्दै गर्दा
न कुनै जिम्मेवारी न तनाव,उमङ्गको त्यो बालापन मन पर्छ

गणतन्त्र

कविता: #गणतन्त्र

म मौन छु आज
गणतन्त्रको शुभकामना
भनिरहदाँ मन नियास्रो पारेर
सोचिरहेछु त्यो अतीत
लागिरहेछ हामीले
बर्बाद गर्यौ एउटा सिङ्गो
त्यो कालखण्ड
समय खेर फाल्यौं
खुट्टा तानिरह्यौँ
हामी,नेपाली
एक अर्काका सधैं
जुझिरह्यौं!

ती सपनाहरू,
आशा र आश्वासनहरु,
बाचा र प्रतिबद्धताहरु,
खै आज कता हराएर गए!
मेरो देशले देखेको सपना,
अनि पलाएको मुना,
चुडिएर गएको छ आज!

कसै-कसैका लागि
अझै भनौं,जो आफू गणतन्त्रका
मालिक हौं झै गरेर
व्यवहार देखाउछन,
हो तिमिहरुले ल्याको गणतन्त्र होइन यो,
यहाँ त हजारौं हजारले बलिदानी दिएका छन
खै त, त्यो बलिदानी को सम्मान !

दु:खपीडा……..(मुक्तक)

#मुक्तक

हामीले दु:खपीडा मात्रै अब कहिलेसम्म भोगिरहने यसरी
खै किन सधैं षड्यन्त्रकारीको तराजुमा जोखिरहने यसरी
सोच्नुस त ए देश हाक्नेहरु हो अब यो नाटक कहिलेसम्म
तै चुप मै चुप भन्दै बिकासको गति किन रोकिरहने यसरी

✍️…… करन बिवश

मिति :- २०७७ बैशाख १३ गते,शनिबार

उ विचरा मजदुर न थियो

सधैं झै डेराबाट
एका बिहानै उ हिड्यो,
केहि पर सडक छेउ पुगेर
यताउता नियाल्छ,
राजाधानीका सडक सधैं व्यस्त हुन्थे
तर आज उ सुनसान देख्छ,
अचम्ममा पर्छ
पुलिस दाईले सिधै कता
हिनेको भनी सोध्छ
था छैन त लाई देशमा
लक डाउन छ हँ,

अनि उ बिचरा
झसङ्ग हुन्छ,
त्यहीँबाट
सिधै डेरा तिर फर्किन्छ
बिचरा उ
ज्याला मजदुरी गरेर
पेट पाल्ने मजदुर न थियोे
अघिल्लो साझ समाचार सुन्नै पाएन
दिनभरि काममा ब्यस्त
साझको थकानले
एक गास खाएर
उ सोझै भोलिपल्टको
कामको कल्पना गर्दै
थकित ज्यानलाई
आराम दिन्थ्यो
यस्तै थियो उस्को दैनिकी,
किनकि उ बिचरा
मजदुर न थियो,

त्यो थकित शरीरबाट
पसिना चुहाएर जब

२०२०

सत्य कुरा विश्वमा, विध्वंस मच्चिएको छ
बिनाशकारी यो कस्तो, प्रपञ्च रचिएको छ
अड्कल नै गर्न सकिएन,खै यस्तो के हुदैछ
यो २०२० मा अझै खै, के-के लेखिएको छ

नयाँ बर्ष

#कविता : #नयाँ_बर्ष

खै त नयाँ पन,
उमङ्ग,उत्साह खै त,
न कतै बस्तीहरुमा खुसी छ,
न राग छ,न रस छ,
न त खुलेका छन रहरहरु,
मन कता-कता पीडामा छ,
उदास छन डाडा काडा,
सुनसान छन मानवबस्तीहरु,
कुडिएका छन मनहरु
भत्किएका छन सपनाहरू
एका-एक मरेका छन आशाहरु
न त बसन्तले नयाँ जोश बोकेको छ,
उल्टै आज जगत सारा रोएको छ,
जिवनका सम्पूर्ण आधारहरु,
भत्किएका छ्न,
बेचैनी छ तनमा,
यताउती हेर्छु मात्र पिर,
अनि ब्यथाहरु मात्रै देख्छु,
बिश्व एउटा पीडाले आक्रान्त छ,
हरेक जन तनावग्रस्त भएका छन,
आशा मारिसकेका छन्
र पनि तिमी आयौं
समय फेरेर नयाँ बर्ष बनेर,

सारा चिज उहीँ ,
समय उहीँ,परिवेश उहीँ,

प्राथना

बिश्व शान्तिका निम्ति हरेक पलपल साधना गरिरहेछु
मानव कल्याणका लागि हरेक प्रहर प्राथना गरिरहेछु
अब छिट्टै यो संकटको स्थितिबाट संसार भरका सारा
मानवबस्तीहरु भयरहित बनुन् भनि कामना गरिरहेछु..

E24

“औशी जान्छ पुर्णिमा आउँछ”

मुक्तक : “औशी जान्छ पुर्णिमा आउँछ”
_________________

न त रहरमा आउँछ.., न त खुवीमा आउँछ।
सत्य यहि हो, हरेक चिजको, सिमा आउँछ।
सुखमा नमात्तिनु, दुखमा नि नआत्तिनु प्रिय,
औशी जान्छ, फेरि एकदिन पुर्णिमा आउँछ।
#बुझ्नेले_सही_बुझ्नुपर्यो

__________________

परदेश बाट………….(मुक्तक)

गएको छोरो आउँछ आउन्न परदेश बाट
घरको छानो छाउँछ छाउन्न परदेश बाट
कयौं सपना संगालेर जान त गयो छोरा
साहुको रिन तिरिन्छ तिरिन्न परदेश बाट

अचम्म छ……….(मुक्तक)

मान्छे रहेन मान्छे भए, कुलङ्गार अचम्म छ
कुन्नी खै कता हरायो, सदाचार अचम्म छ
विसङ्गती मौलायो आज,यत्र तत्र जहाँ पनि
आफन्तबाटै छोरी चेली,बलात्कार अचम्म छ

आउदै छ……(मुक्तक)

मन मुटु माझ सधै पिर छ, आउदै छ दशै तिहार
आफ्नो त फुटेको तक्दिर छ,आउदै छ दशै तिहार
ठूला ठालुलाई त हरेक दिन दशै छ, हाम्रो यो देशमा
तर नेपालीका अघि काडे भिर छ, आउदै छ दशै तिहार

महङ्गिले………………(मुक्तक)

घर व्यवहार खै कसरी धान्नु, महङ्गिले आकाश छुदाँ
यो दशैं पनि खै कसरी मान्नु, महङ्गिले आकाश छुदाँ
जाउ बाबा भन्छन छोराछोरी नाना ल्याउन बजारतिर
चिची पापा खै कसरी छान्नु, महङ्गिले आकाश छुद

मेरो प्यारो देश

मेरो प्यारो देश नेपाल
मेचीकली फैलिएको छ …
हिमाल, पहाड, तराई मिली
छरिएको लेक बेशी
आफ्नै रीति तिथि
संस्कृतिमा सजिएको

मेरो प्यारो देश नेपाल
कला, साहित्य, पुरातत्व
आफ्नै
किसिम-किसिमका थरी-थरी
संस्कार छन यहाँ
मिलाएर सेता दन्त लहर
पूर्वदेखि पश्चिमसम्म
उत्तरमा हिमाल हाँस्दै छन
छहरा र पहरासँग लडिबुडी गर्दै
डाफे मुनाल रमाइरहेछन
हरेक बस्ती बस्तीमा
मानव यहाँ
रमाइरहेछन …
आफ्नै आफ्नै संस्कारमा
आहा कति राम्रो
सौन्द्र्यले झकी झकाउ
मेरो सुन्दर नगरी
नेपाल
हो सच्चै मेरो प्यारो भूमि नेपाल
सुन्दर आहा कति रमाइलो
मनै हरर

मेरो प्यारो देश नेपाल
मुटुभन्दा नि प्यारो छ

आधी जिन्दगी……………….(मुक्तक)

आधी जिन्दगी कटेपछी, तिमी आयौं बिचमा
एक्लो यात्री थिए म किन, माया लायौ बिचमा
तड्पाउनु नै थियो भने त, जिवनको यात्रामा
तिमीले किन बनावटि, प्रेम गीत गायौ बिचमा

@ मेलौली नगरपालिका वाडं नं. ८
कोटिगाऊँ, बैतडी

चिन्ता………………………..(मुक्तक)

खडेरीले गर्दा यी डाडा काडाहरु, सुक्लान भन्ने चिन्ता
सारा युवा गरीबीले गर्दा, खाडी मुलुक पुग्लान भन्ने चिन्ता
पढेर नी गतिलो जागिर पाईन्न, यो वर्तमान परिवेशमा
गिट्टि वालुवा चालु भने, यी हातहरु दुख्लान भन्ने चिन्ता

दुई मुक्तक

कुसल मंगल सोध्ने केवल बहाना मात्र रै’छ
मनका कुरा साट्ने केवल चाहना मात्र रै’छ
जति मिठा बात भए मन गगन नाप्न थाले ‘नी’
हैसियतमा हैसियत तौल्ने केवल चाहना मात्र रै’छ

::::::::::::::::::::::::::::::::::::::::::::;:

रात अझै बाँकी छ बात अझै बाँकी छ
स्वप्निल पलको शौगात अझै बँकी छ !
त्रिषित लोचनको अनुनय पनि सुनन हो
चाँद लुक्नै बाँकी छ आँत झुक्नै बाँकी छ !!!

हजारौ………………..(मुक्तक)

हजारौ बहानामा मनमुटु, लुट्छन मान्छेहरू
आफ्नैलाई फसाउन जाल, बुन्छन मान्छेहरू
ए मानब अब हरेक पलपल बन्नुपर्छ होसियार
हरेक क्षण बिरोधका निम्ती, जुट्छन मान्छेहरू

धाँजा फाट्यो मन भित्र

धाँजा फाट्यो मन भित्र ,
चिरा परि मुटु जल्यो !
प्रकृतिको कहर बर्ष्यो ,
सपनाहरू सबै ढल्यो !!

धर्धराउँदै पृथ्वी काँपी ,
सारा ईतिहाँस देवल ढल्यो !

पहाडका टुप्पी ढले ,
हिमालका आब्रु ढल्यो !

घरका छाना खर्क कान्ला ,
खेतका गरा आली ढल्यो !

कान्छा काका जेठा बा’को ,
सबै घरका पाली ढल्यो !

के उत्पात भयो यहँ … ,
नेपालीको भाग्य ढल्यो !

धाँजा फाट्यो मन भित्र ,
चिरा परि मुटु जल्यो !
प्रकृतिको कहर बर्ष्यो ,
सपनाहरू सबै ढल्यो !!

C360_2015-01-21-08-02-06-656

तिम्रो साथ

सुक्यो डाली गुलाबको, अब कुन फूल फूलाउने
पाउँदिन म साथ त्यस्तो, तिम्रो माया भूलाउने
भन्नलाई त भन्छौ प्रिय, असल जिबनसाथि रोज्नू
दिन त ढल्यो अँधेरीमा, के अर्थ भो जून खोज्नु
दुख्दा अतित आँसुहरु, कस्को सामू खुलाउने
पाउँदिन म साथ त्यस्तो, तिम्रो माया भूलाउने
कथा उस्तै ब्यथा उस्तै, अधुरो छ यात्रा पनि
सम्झनाको घाउहरु, बल्झिरहदा ताजा बनी
तिमी भित्रै कैदी यो मन, अन्तै कता डुलाउने
पाउँदिन म साथ त्यस्तो, तिम्रो साथ भूलाउने
<अनिश्चित यात्री>
प्रबासबाट