www.samirchhetri.blogspot.com

(१)

मान्छे उही हो, यहाँ खाली बसाई फेरिन्छ,
अनुहार उही हो, यहाँ खाली हसाई फेरिन्छ,
कति बगोस् निर्दोस् गोर्खाको रगत ,
हतियार उही हो, यहाँ खाली कसाई फेरिन्छ !!

(२)

जसले बोल्छ बोल्नदेउ,
मन खोल्नेलाई खोल्नदेउ,
दुइ दिनको चोला जिन्दगी,
बाँच अनि बाँच्नदेउ !!

— समीर “गोर्खा” छेत्री —

नियम मिचेर गजल लेख्दैछु,
शब्दहरु सिचेर गजल लेख्दैछु !(१)

काफिया,रदिफ,बहर के हो ?
अनजानैमा गजल लेख्दैछु !(२)

मनमा जे छ सबै पेस्दैछु,
मुटू झिकेर गजल लेख्दैछु !(३)

निदाउन नसक्दा सुनसान रातमा,
दियालो बालेर गजल लेख्दैछु !(४)

चोट र व्यथाले फाटीसक्दा जिन्दगी,
मुहानै टालेर गजल लेख्दैछु !(५)

–समीर “गोर्खा” छेत्री–
रचनाकाल– १८/७/२०११

पहेंलो रंग प्लास्टिकको मालामा
सम्झौतामा फसेको भानुलाई,
बधाई छ है जन्म जयन्तिको
बधाई छ,
आज जन्मिएको कविहरुलाई
र स्वगात छ,
घडीको दासत्वमा फसेका दिगजहरुलाई,
थर, जात, धनी-गरिबको
चक्रबिउमा फसेका नेपालीहरुलाई
भाषिक एकताको सुत्रमा बाध्ने भानुलाई,
आज,
नेपालीले जन्म जयन्तीमा मात्रै सम्झने गरेको छ,
झयार पात र सुलिले ढाकेको भानुलाई
हेर्न सम्म पनि फुर्सद नहुने हामी,
आज,
खुब भानु गाथा गाउँछौ,
रामायणको श्लोकहरु रटटा मारी
भोलिको पत्रिकामा आफ्नो नाम र तस्विर खोज्छौ,
भोली,
भानु चिनाउने मोतीरामलाई
भानु भन्नु बेर नलागने,
आदिकवि को हो कुनी
भानु पछि पाला थप्ने,,,,,,
भोली,

गाउँ घरकी भाउजूहरू
मलाई “Handsome” भन्दै
तानी तानी म्वाई खान्छन्,
भागौ त “हाई-लिंग” सोंचछन् भन्ने डर छ
नभागौ त “बीरे, बले, भीमे” दाइको डर छ

तिमी अघि उभिँदा
म जस्तै लाग्छ
ए ऐना !
उही रुप, उही अंग
उही म,
तरैपनि
मेरो प्रतिबिम्ब म होइन,
विचार भिन्नै
भावना भिन्नै
मेरो कविता, म होइन !