ओनिक अज्ञात

(छोरी – Adina Singh को जन्मदिनको उपलक्ष्यमा रचेको छोटो कविता )

कलिला हात कलिला खुट्टा,
बढाऊ प्रगतिको पथमा,
आमा-बुवाको आशिष् सधै,
रहिरहन्छ तिम्रो साथमा

(अवस्था : बिछोड भैसकेको प्रेमिकालाई अचानक एकदिन देख्दा)

आज, बाटोमा हिडेकी मेरी प्राण देखें,
तर धेरैपछि उनको त्यो मुस्कान देखें,

हिमनदी झै चाल, सुस्तरी सुसाउँने,
तर कमलो छातीमा दरो चट्टान देखें,

प्रशंसा गर या घृणा गर,
खरबौ मान्छेहरूमा केवल तिमीलाई नै रोजे,
ताली बजाऊ या गाली गर,
मुटुको धडकन अनि यौवन तिमीलाई नै सुम्पे,

प्रेमकथामा ठूला ठूला युद्ध भएको देखेको छु,
तर बिछोड कहाँ हुन्छ र,
प्रेम-तपस्यामा सारा सर्वस्य गुमेको देखेको छु,
तर रित्तिने कुरा कहाँ हुन्छ र,

उजुरी हाल्दिन, तिम्रो बिरूद्ध, प्रेममा,
सधैं कहाँ फूल, कहिले काँडा, प्रेममा,

घनिस्टतामा छौ र त, हामीसँगै छौ,
सधैं कहाँ मिठो, कहिले तितो, प्रेममा,