nice.vharat

तिमी बिना चल्दै छ,तड्पिएर मुटु ।
बिना आगो जल्दै छ,तड्पिएर मुटु ।

मन जलाई त्यसै माथि छर्यौ नून्–चुक
दिनानुदिन् गल्दै छ,तड्पिएर मुटु ।

तिम्रो जीवन परिर्वतन भो, म त त्यही मोडमा छु ।
तिम्ले छोड्दा मुटु दुखेथ्यो, अँझै त्यही तोडमा छु ।

मायाको खेलमा हारेँ होला, नजानेर खेल्दा खेल्दै
गुणन भाग सिक्नुपर्थ्यो, अँझै औंले जोडमा छु ।

सुःख दुःख जिन्दगीमा
बराबरी कै रित भए
कस्तो हुन्थ्यो होला हकी
कहिले काहीँ जित भए ।।१।।

सुःख चाहिँ झुल्कन्लाई
आउँदो रैछ निकै थोरै
दुःखसँग लुकामारी
खेल्नु पर्ने रैछ धेरै ।।२।।

अतित्तका तिता मिठा, बात लाँदैछु ।
परेलीमै बोकी आँसु, घात लाँदैछु ।

हरियाली जीवन उजाडियो छिनमै
संसार भो अँध्यारो चहकिलो दिनमै
पायौ दिन उपहार रात लादैछु
परेलीमै बोकी आँसु, घात लादैछु ।

मलाई सधैं भन्छन् बाऊ
मेरै भर परिस् किन ।
बुढी पाल्न सक्दैनस् त
तैले बिहे गरिस् किन ।।१।।

सबैले नै भन्थ्ये मलाई
बुढीको त माया प्यारो ।
के थाहा हजुर मलाई नि
बिहे गर्दा हुन्छ गाहो ।।२।।

अचेल त साना पनि, ठुला हुन थालेछन्
भुईँबाट नउँम्रदै, संसार छुन थालेछन्

घर–घर भित्र गई विद्रोहको ज्वाला दन्काई
अँजुलीले पानी अचाई, पाप धुन थालेछन्

मनैको बह ओठैले खोल्न, फर्केर आउन ।
धानैको बाला लर्के झैं गरी, लर्केर आउन ।

बादलुसँगै उडेकी छौरे जमेर पानी भै
पहाड माथि ठोकिई अब, दर्केर आउन ।

जगतमा नि रगतको नै, जात चलेको छ ।
भित्र भित्रै आक्रोसमा, मान्छे जलेको छ ।

अन्जुलीमा पानी यहाँ, कसैले नि किन्दैन्
र त आज दोबाटोमा, आगो बलेको छ ।

(१)
कति कुरेँ दोवाटोमा, फर्की आइन माया
तिम्रो साँचो चोखो साथ, मैले पाइन माया
घुर्की देखाई मेरो माया लत्याएर गयौ,
अब पुग्यो तिम्रो आँगन, मैले धाइन माया।

मलाई छोडी पराईको, आँगनीमा सर्यौ ।
विश्वासको सट्टा घात, दिई यो के गर्यौ ।

तिम्रो ओठ्मा हाँसो भर्न, सम्झौतामा चलेँ
आफ्नै आत्मा रुवाउँदै, तड्पिएर जलेँ
मरेको थिएँ फेरि जलाई, मनमा खुसी भर्यौ
विश्वासको सट्टा धात, दिई यो के गर्यौ ।

सयौँ थरी जात जाति
छुट्टा छुट्टै भेष राम्रो
हिमाल पहाड तराई
अखण्ड छ देश हाम्रो ।।१।।

डाँडा पाखा पहराले
लाइदिन्छन् मित यहाँ
झरनाले छनछन् गरी
गाइदिन्छन् गीत यहाँ ।।२।।

(१)
थाहै नदिई मुटु मेरो, जलाएर गई ।
सधैँ खुसी हुने आत्मा, रुलाएर गई ।
वियोगमा तड्पिएर, पिरले सिठु हुदाँ
छ कि स्वास भनी शरीर, चलाएर गई ।

चन्द्र सूर्य झण्डा हाम्रो, विश्व सामु चम्कनु छ ।
चिनाउँदै राष्ट्र अब, गन्तव्यमा लम्कनु छ ।

अविच्छन्न पार्न नेपाल, आपसमा नै लड्नु किन,
बरु फुकी बुद्ध वाणी, अमृत् जल छम्कनु छ ।

हामी सबै नेपालीको आस्था अनि चिनारी ।
झाँगिरहोस् राष्ट्र भरी प्यारो सहकारी ।

सबै जाति एकै थरी हुन्नन् कोही पराई
एकसुत्रमा बाँध्छ यस्ले मिलाई भाइ–भाइ
गरिब दुःखी असायको बनोस् हितकारी
झाँगिरहोस् राष्ट्र भरी प्यारो सहकारी ।

तँलाई पापी नर्क जान्छस्
भनी मलाई झर्की गयौ ।
दर्पण रैछौ दुई दिने
हेर्दा हेर्दै चर्की गयौ ।।१।।

कमजोरी थिएँ होलान्
स्वीकारेथेँ गल्ती मैले ।
तिम्रा लागि ज्यानै सुम्पी
रित्याइदिएँ खल्ती मैले ।।२।।

संस्कृति र परम्परा
जोगाई अघि बढ्नलाई
होली खेलौं साथीभाइ
मनमा उमङ्ग भर्नेलाई ।।१।।

बर्ष दिनको हाम्रो चाड
यस्को बदनाम् नगरौं,
विकृति ल्याई कसैलाई
हानी हुने काम नगरौं ।।२।।

गल्लीका ती कुकुर जब, भुक्न थालेछन ।
मै हुँ भन्ने सुरमा पनि, झुक्न थालेछन ।

अस्तिसम्म हिँड्थे राति, छाती फुलाएर
सत्ता छोड्दा पीरले ती, सुक्न थालेछन ।