nice.vharat

(१)
तिम्ले भेट्न चाह्यौ भने फेरि भेट होला
बोलाएमा आउँछु साँच्चै त्यही गेट होला
नकारेर मेरा माया पर सर्यौ भने तिम्ले
तिम्लाई सम्झी जिन्दगीको चङ्गा चेट होला ।

तिम्रा ती वाचा कसम तिमीबाटै खरानी भो
चोखा माया प्रीत आज किताबी कहानी भो

तिमी भन्थ्यौं हाम्रो माया दुई दिनको प्रित हैन
अजम्बरी हुन्छ बुझ्यौं फुलमा झर्ने सित हैन
गारो हुदो रैछ माया लाए पछि भुल्न धेरै
सुन्छु जीवन रंगिन भो रे मेरो जीवन छ अँधेरै

हिड्न आँट्यौ खुट्टा कमाएर आज ।
बैरीलाई देश थमाएर आज ।

(१)
सबै खोज्छन् सपनाकी रानी चुन्नलाई ।
भर्खर बैस चडेकी त्यो सानी चुन्नलाई ।
रुप रङ्ग देखेपछि सबै लठै परी यहाँ
र्बिसिदिन्छन् कठै उस्को बानी चुन्नलाई ।

(१)
मागे मुटु दिन्छु भन्ने बाहानामा आयौं ।
मनको प्यास मेटाउने चाहानामा आयौं ।
एक्लो बनाई छाडी जानु थ्यो त मलाई
रुदै किन फेरी कागजका पानामा आयौं ।

मेरो धर्म मेरो कर्म मेरो पुण्ये आमा ।
तिमी हुँदै चारधाम किन चुन्ने आमा ।

महानता अर्को रुप त्यो देवी हौ तिमी
ममताको आँचल भित्र माया थुन्ने आमा ।

फूल बनी फूल्नु पर्ने
काडाँ बनी बसी दियौ ।
माया गर्ने मुटु माझमा
बसी छुरा धसी दियौ ।।१।।

निदोर्ष थिएँ मायामा मत
तिम्ले मायाको दोषी बनायौं
आँखामा कैले सुक्दैनन् आँसु
सधैं बग्ने रोसी बनायौं ।।२।।

आँसु लागोस भलो नहोस, नहोस भनी जाती ।
सत्तोसराप गदै छौ रे आजकाल नानाभाँती ।।

बैगुण लुकाई सबका सामु बन्यौं आफैं गुणी
छोडेयौं साथ अकैं तिमीले रोजी गयौं चुनी
ब्रजपात हुँदा यो मनमा राखेँ चोटै थाँती
सत्तोसराप गदै छौ रे आजकाल नानाभाँती ।।

च्यातिएको मुटु मैल सिएकै त हो ।
तिम्ले दिदाँ विष पनि पिएकै त हो ।

ढुकढुकी बनी तिम्रो हृदयमा बस्न
तन मन धन मैले दिएकै त हो ।

न खुसीले बाँचे न त आयो काल
बेदनामा जली आफैं जिएकै त हो ।

शुष्कता हुदाँ तिम्रो वाणी वाणीमा
आज माया फलाम झै खिएकै त हो ।

भेऊ पाउन मेरो आत्मा डढाएरै
बाँकी त्यो भस्मावशेष लिएकै त हो ।………दर्पण

(१)
हात देखाई, हस्त रेखा अनुसार भन्दिन ।
दैवले नै लुटी लग्यो, मेरो संसार भन्दिन ।
छुट्नु थियौं छुट्यौ तिमी, माया लुटेपछि
मैले लाएको चोखो प्रीतको, के सार भन्दिन ।

अस्तित्वको लडाईँ भन्दै लड्दै छ मान्छे ।
एउटा माथि नै अर्को बुई चढ्दै छ मान्छे ।

कति क्रुर भयो चिन्दैन रगतको नाता
कुल्चदै तिनै आत्मा अघि बढ्दै छ मान्छे ।

दुःखै दुःखको मेरो संसारमा
सुःखै सुःख आउनु छ ।
आगमनले तिम्रो मेरो जीवनमा
नयाँ उमङ्ग छाउनु छ ।।१।।

ओभानो छ आँखाका डिल
मुल फुटाई तिमी आउनु
आउनु अब यसरी आउनु
अटुट् प्रीतको बन्धन ल्याउनु ।।२।।

लक्ष्मी पुजा गरी दिदी बाल्यौं होली पाला पनि
गाँस्यौ हौली भाइलाई मखमली माला पनि

तेलको घेरा हाली साँच्चै तिम्ले ओखर फोड्दा
दैलो छोडी भाग्थे यम, फेर्दै आफ्नो चाला पनि

बन्द हड्ताल नेतालाई रहर बन्दै छ
आफनो देश आफैंलाई जहर बन्दै छ

हाँसी खुसी सुःख् शान्तिका दिन टाढा गए,
वाध्यतामै बाँच्छ मान्छे नि कहर बन्दै छ

सम्झिएर नरुनु है मलाई राति राति
म मरे नि खुसी हुनु सधै हुन जाती

सपनीमा देख्छु सधैं काल आई लगेको
तिमी रुदाँ अतालिदै तिम्रो आँसु बगेको
तिम्ले पनि चडायौ त्यही लासमा पाती
म मरे नि खुसी हुनु सधै हुन जाती

रहरले नै ठुलै हाँगो समाउँदै गयो ।
अलि मिठो खान भनी रमाउँदै गयो ।

सुशासन इमान् नैतिकताको कुरा गरी
वाह वाह भन्ने नाम कमाउँदै गयो ।

देश हाम्रो भयो खोक्रो जनताले बुझेनन् ।
गुद्धी बिनाको मात्र बोक्रो जनताले बुझेनन् ।
छैन सु–सासन नियम कानुन मिच्चे सबैले,
भष्ट्रचारीले भरे धोक्रो जनताले बुझेनन् ।

बिवस्थामा बाँच्दैछ मान्छे यो कहर कस्तो ।
दाजुले नै भाई मार्दैछ त्यो जहर कस्तो ।
कालो बजारी र मुल्यवृद्धि मात्रै देख्छु जहिँतहिँ,
झनझन गरिबी बढ्दैछ यहाँ यो सहर कस्तो ।…… दर्पण

(१)
रुवाएर कैले तिम्लाई हाँस्नु नपरोस ।
दुखाएर मुटु तिम्रो बाँच्नु नपरोस ।
तिम्रा भागका दुःख पीडा मैं सहुँला
दुःख संग नाता तिम्ले गाँस्नु नपरोस ।