nice.vharat

एउटा घाऊ निको पार्न
अर्को घाऊले भर्नै पर्ने,
अनौठो रैछ आखिर जीवन
उकाली ओराली गर्नै पर्ने ।।१।।

बाटो छोटो मोड अनेक
नचाँदा नचाँहदै हिड्नै पर्छ,
दुःखका ती पहाड पनि
हाँसी हाँसी चिर्नै पर्छ ।।२।।

मेलापात दाउरा घाँस, गर्दै होलिन् आमा ।
ढिकी जाँतो गर्ने पिढीँ, सर्दै होलिन् आमा ।

बर्ष दिनका जोहो गर्न, गाऊँ फन्को मार्दै
दैलो दैलो चहारी माना, भर्दै होलिन् आमा ।

(१)
पिरतीको डोरी अन्तै, बाटी गए नि ।
मलाई छोडी नौ डाँडा, काटी गए नि ।
जुनीभरि मेरो माया सम्झी रुने छौ
मैले दे को गुन्यु चोलो, फाटी गए नि ।

ऊराठ लाग्दो जीवन मेरो, हारेको जिन्दगी
कालले पनि बिस्तारै यहाँ, सारेको जिन्दगी

अँध्यारो छायो पीडाले जेली, नबुझ्दै संसार
दैवले पनि मोहनी जालमा, पारेको जिन्दगी

(१)
तरबार खुडाँ बोकेर हिड्छौँ, खै केको आसमा
पाप र धर्म सँगै नै जान्छ, एकमुठी सासमा
देशको सिमा बारेर तिमी, पर्खाल लगाउँछौ,
मरेर कस्ले के लान्छ भन, त्यो नाङ्गो लासमा

भित्रभित्रै पोल्यो शरिर, हात खुट्टा गलेपछि
तिम्रो धेरै याद आयो, जोवन् यसै ढलेपछि

माथि बसी नमाग है, दिर्घायुको बर अझै,
समयले तिम्रो मेरो, सँगै साथ छलेपछि

जागिर खाई कति गर्नु
हाकिम तिम्रो चाकरी
स्वाभिमान गुमाउने
कस्तो रैछ यो नोकरी ।।१।।

बा आमालाई रोगले च्यापी
झन झन भयो साहो ।
लालाबाला भोकै मेरा
घरमा छाक टार्न गाहो ।।२।।

पैतालाको धुलो सम्झी
खुट्टाले नि किच्न सक्छौं ।
हामी तिम्रो लगाम हैं
चाहेजति खिच्न सक्छौं ।।१।।

आफ्नो शक्ति जमाउन
परदेशीको भक्ति गर ।
कमाउँदै मुटु आफ्नो
सीमा छोडी ओर सर ।।२।।

धरोधर्म सत्य बोल्छु, लुकाएको छैन ।
नेपाली हुँ कतै शिर, झुकाएको छैन ।

परदेशमै शरिर बेचेँ, आत्मा छ नि चोखो
पर्ख आमा ऋण तिम्रो, चुकाएको छैन ।

माया भुल्न गारो रैछ, मनमै बास बसेपछि
रुनु रैछ जिन्दगी नि, हाँसोले नै छाडेपछि

तिम्ले फेर्ने स्वास बन्छु, तिम्रो मुटु भित्र बसी
सपना बनी छाई दिउँला, तिम्रो परेलीमा पसी
यस्तै यस्तै खै के भन्थ्यै, तिमी मेरो सामु हुँदा
जाली माया जताई दिन्थै, तिम्रो मुहार हेर्दै रुँदा

(१)
तिम्रो मायाको छहारीमा पार्यौ मलाई शितल
नसालु आँखाले तिम्रो मार्यौ मलाई शितल
कल्लकलाउँदो जोवन सुम्पी मेरै भर परी,
नौनी जस्तै पगालेर खार्यौ मलाई शितल

तिम्ले छोयौ धड्कन तेजले, चलेको छ आज
तिमी छौ र अङ्ग-अङ्ग, बलेको छ आज ।

चुम्बक झैं खिच्न खोज्छ्यौ, टाढा हुदाँ म नि
कस्तो माया तिम्रो मनमा, पलेको छ आज ।

(१)
गोरी छोडी लौन काली आँट्न सकिन्
दुबैतिर मनको माया साँट्न सकिन्
मोहनी लाए क्यारे मलाई जालमा पारी
चाहेर नि यिनका कुरा काँट्न सकिन्

अस्तित्वविहीन
जीवन यात्रा अनौठो लाग्छ,
अझै पनि
विद्रोहमा जलेको छ मन
थाह छैन किन ?

मनको नाता चुडाएर
तिमी टाढा गइहाल्यौ ।
हेर्दा हेर्दै आँखाबाट
तिमी ओझेल भइहाल्यौ ।।१।।

तिमी खुसी छौं रे सुन्छु
बेग्लै संसार सजाएर,
हाँसी हाँसी हिड्दै छौ रे
बन्धन हाम्रो फुकाएर ।।२।।

प्राण आहुति दिन सकुँ, धर्ती यही नै प्यारो छ
बिर्सिएर बाँच्न नेपाल, मलाई अब गाह्रो छ

तीर्थ ब्रत दान धर्म, गरी स्वर्ग तर्दा यहाँ
स्नान् गर्ने खोला नाला, अमृत खाने धारो छ

डाँफे, मुनाल, मयुर, हेर नाँच्दा आज
आयो आयो बसन्त नि तिमी हाँस्दा आज

डाँडा पाखा पहरामा लुकी खेल्दा खेरी
छहराले सुसाउँदै भन्छ तिमी मेरी
कोइलीले भाका हाली मित गाँस्दा आज
आयो आयो बसन्त नि तिमी हाँस्दा आज

धनी गरिब छुट्याउने सामन्तिको पुलमा गा’छौ ।
आडम्बरी खोक्रो सान निभाउने भुलमा गा’छौ।

सिसमहलकी रानी हुदाँ सुनै सुनले छापिई
सौन्दर्यकी खानी भई चित्रकारको तुलमा गा’छौ।

(१)
सानो मेरो मनबाट ठुलै आश गर्यौ
फूल बनी हुर्किएर दिलमा बास गर्यौ
पलाउँदै थियो बल्ल मायाको त्यो मुना
हतारैमा कुल्ची तिम्ले त्यसै नाश गर्यौ