घायलश्री
तिम्री स्वास्नी
एउटा सामान्य सेमिनारबाट नै उनले मलाई राम्रोसँग चिनेका रहेछन् । हुन त त्यसभन्दा अगाडिबाट नै उनले मलाई चिन्नको लागि धेरै प्रयास गरेका रहेछन् । आफू चिनेको र भेटेको प्रत्येक व्यक्तिसँग मलाई चिनाइदिने अनुरोध गर्दा रहेछन् । त्यस अवसरमा कतिले चिनेको छैन भनेर उनलाई निराश पार्दा रहेछन् त कतिले ‘भइहाल्छ नि, उहासँग मेरो राम्रै सम्बन्ध छ त्यसैले तपाईलाई उहासँग परिचय मात्र होइन तपाईको चाहना अनुसार घनिष्ठ मित्रता कायम गराइदिने छु’ भन्दै उनलाई भुल्याउने गर्दा रहेछन् ।
बिमला
बास्ना नै नआउने त्यो प्लाष्टिकको रातो गुराँसको फूल केवल फूल मात्र हो । त्यो फूल सजाउनलाई हो तर कालो केश होइन न हो हरिया पाखाहरू । त्यो त टेवल सजाउनलाई मात्र हो अनि टेवल माथिको फुलदानी । त्यस फूलको न कुनै रंग हुन्छ न कुनै स्वाद न त कुनै सुगन्ध तर मूल्यवान छ त्यही । त्यही फुलको छ बजार त्यसैको चर्चा अनि त्यही फूल छ सुन्दर । कतिका पेट भराएको छ त्यही प्लाष्टिकको गुराँसले उफ् ! त्यो डाँडा पाखामा फुल्ने गुराँस खैत त्यसको महत्व ?
शीताष्मा
बाहिर पानी परिरहको छ । लगातार तीन-चार दिनको झरीका कारण जाडो पनि उत्तिकै बढिरहेको छ । अझै दुई-चार दिन यो पानी पर्न बन्द हुने कुनै छाँटकाँट नै देखिँदैन । बाहिर बाटोमा फाट्टफुट्ट सवारी साधनहरू चलिरहेकै छन् भने स्कुल क्याम्पस जाने विद्यार्थीहरू छाता ओढी झुण्ड झुण्ड भएर सडकमा हिँडिरहेका देखिन्छन् । एकदुई भुस्याहा कुकुरहरू ओभानो प्रतीक्षालय र घरको पेटीमा ओत बसेका बाहेक अन्य सबै सुनसान नै देखिन्छ । सबै घरभित्र नै व्यस्त देखिन्छन् ।
कान्छा
उसको वास्तविक नाम हरिप्रसाद भए पनि उसलाई सबैले कान्छा भनेर बोलाउने हुनाले कान्छाले आफ्नो बास्तविक नाम भुलिसकेको जस्तो लाग्छ मलाई पनि । भात कस्ले पकाउने ? कान्छाले । घाँस कस्ले काट्ने ? कान्छाले । भैसी कस्ले दुहुने ? कान्छाले । इत्यादि घरका सबै कामहरू कुनै झर्को नमानी सजिलै पुरा गर्थ्यो कान्छाले । त्यसकारण मलाई लाग्थ्यो कामको सट्टामा प्रयोग गरिने एक मात्र विकल्प थियो कान्छा ।