नून बोकी जुम्ला हुम्ला पुर्याउनेलाई सलाम
सीमा बाँध्न जनताहरू सुर्याउनेलाई सलाम
मरेपछि पुज्ने चलन रोक्न आजैदेखि
ज्यूँदा शहीदका गीत फुर्याउनेलाई सलाम
परिश्रमको फल मीठो हुन्छ भन्ने सोच बोकी
बाँझो खेतमा नजरहरू घुर्याउनेलाई सलाम
थलिएका बाबु आमाको सेवा गर्नलाई
परदेशिने रहरहरू तुर्याउनेलाई सलाम
कैदीहरुको थमाउन हातमा कलम कापि
स्कुल अनि कलेज खोल्न धुर्याउनेलाई सलाम
घायलश्री
बेनी, म्याग्दी