शिवराज कलौनी

मेरो देशमा !
कुखुराको सुली, छोरीको फुली र बर्दीको फुली बेचिन्छ यहाँ
केटाकेटी, अबलाको कुरा छोडौ हजुर ! घरकै मुली बेचिन्छ यहाँ

गाईहरुको चक्काजाम छ यहाँ, रोडमा बच्चाहरू किचिन्छ यहाँ
मेरो देशको नबोल्ने सीमाहरू दिनदहाडै मिचिन्छ यहाँ !

गरिबको छोरीहरू कौडिसरी शिर्षक खोजेर बेचिन्छ यहाँ
सम्भ्रान्तका छोरीहरू महलमा, क्याफेमा र गाडीहरुमा देखिन्छ यहाँ
गाईहरुको चक्काजाम छ यहाँ, रोडमा बच्चाहरू किचिन्छ यहाँ
मेरो देशको नबोल्ने सीमाहरू दिनदहाडै मिचिन्छ यहाँ !

अ आ अनि ककहराबाट सिकाउन थालेको
बाह्रखरीबाट उफृदै” आकार “, इकार, उकारसम्म
बच्चाको हातमा पेन्सिल समाती छोटा शब्द कोर्न थालेको
व्यावहारिक दुनियाँमा हिडाउने बाटो जब खन्नेछु
साच्चिकै म गुरु तब बन्नेछु !!!!

गलत को परिभाषा नै के छ र साथी ???
यहाँ त सही कुरो पनि गलत साबित बन्छ ।
सभ्यताको भ्रुण मेटाउन प्रयत्न हुन्छ यहाँ
कुरो त आकर्षक यतिसम्म हुन्छ कि ….
जून र धरती यही हुन्छन
काडा तुरुन्त झिकेर बल्सीमा माछा पर्छ
किनकि सही विश्लेषण हुदैन यहाँ
झोले को बाहुल्यता हुन्छ जहाँ ।

����लुकेको गढी ������

मेरो प्रश्न ????म कसरी कर्णधार बन्ने ????

म बालक !!
कोमल अङ्गहरु, अनि कोमल शरीर
अपरिपक्व अचेतन मस्तिष्क !!!
म ठूलो मान्छे  बन्न त चाहन्छु तर,
नगर्ने मन भयेर पनि कुनै काम गर्न जब कर लाग्छ,
विद्यालय होस वा घरपरिवार साह्रै नै डर लाग्छ ।

म अबोध!!!
कमजोर मुटु अनि  मन को कमजोरी भएको
पिटाइ गर्ने कुरो भन्नुहुन्छ स्कुलमा सरले
पिटाइ गर्ने कुरो भन्नुहुन्छघरमा आमाबुबा ,अनि ठुलाले
नसुन्ने मन भयेर पनि कुनै कुरो सुन्न जब कर लाग्छ,
विद्यालय होस वा घरपरिवार साह्रै नै डर लाग्छ ।

म चोरी गर्न चाहन्न
तर पेट भरेर खान छैन
खेलौना भयेका साथीहरू देख्छु
राम्रो राम्रो लुगाफाटो लगाएको देख्छु

दिनभरि चिया पशलमा गफ सुनेर
प्रसँग मिलेको ठाउँमा आफूले कुरो थपेर
पैसाको जसो तसो धुलो उडाउदै
घरमा कामकाज को मतलबै नगरिकन
विद्यालयमा एक दिन पनि उपस्थित नहुने मान्छे
श्रीमतीसग ठट्टिदै झगडा को निहु खोज्दै
भन्छ – म अभिभावक हुँ !
एक सचेत अभिभावक !