Skip to content

विमल गौतम

BimalGautam-02

जननी जन्म भुमिश्च स्वर्गादपि गरियसी

मलाई आज म आफै दुखे मेरो पार्टी दुख्यो
पार्टीहरू पनि अरु सबै दुखे किन कर्तब्य लुक्यो

ईतिहास लुक्यो वीर गोर्खा सगै इमान झुक्यो
नरोक्न सक्ने हत्या र हिंशा सरकार चुक्यो

दशैं

दशैंको बेला नरुनु आमा परदेशी सम्झेर
बुझाउनु मन कर्मको खेल यस्तै हो भनेर

घरको दुख सम्झेर आमा म श्रम बेच्दैछु
बिछोडको पीडा आँशुको मसी सन्देश लेख्दैछु

ती चेली आउलिन् खै दादा भनी पछ्यौरी समाउलिन्
हेरेर तस्वीर मोती झैं आँशु टप्लक्क खसाउलिन्

भन्दिनु आमा मखमली माला उनेस है तिहारमा

जिन्दगी

  • by

फूल भनौं भने भमराले लुटिदिन्छ जिन्दगी
पालुवा भनौं भने असिनाले कुटिदिन्छ जिन्दगी
घाम भनौं भने सम्साझै लुकिदिन्छ जिन्दगी
आकास भनौं भने बादलसँगै छुपिदिन्छ जिन्दगी
हिमाल भनौं भने तेन्जिंग नोर्गे चडिदिन्छ जिन्दगी
सपुत भनौं भने जाँड खाएर लडिदिन्छ जिन्दगी

नयाँ वर्ष

  • by

गाउँ शहर पहाड तराई जताततै आहत छ
आऊ नया वर्ष गणतन्त्र नेपालमा स्वागत छ

धेरै लड़नुछ तिमीले यहाँ भिटामिन पिएर आऊ
राजनैतिक फोहर फल्नुछ कन्टेनर लिएर आऊ
गोली-बारुदहरूले अघायौ भो त्यहीं रोकेर आऊ
मुर्ख पटमुर्खहरू यहीं छौं विद्वान बोकेर आऊ
मुख चलाउने धेरै छौं मेहनती हात लिएर आऊ
सिङ्गो राज्य पाउनेछौ मात्र एक जात भएर आऊ

जा ए ६६ साल

जा ए ६६ साल फर्किएर नहेरी जा
तेरा दुष्कर्महरू साथै लिएर जा

बासपानी र डूड़े झारीको घटना लिएर जा
जमिम, सिन्हानियाहरूको रगत पिएर जा
सुन्तली धामी के भन्छिन उनलाई सोधेर जा
स्वर्ग जाने काम गरिनस नर्कको बाटो रोजेर जा
जा ए ६६ साल …………………………..

मेरो देश दुखेको बेला

गाउँ शहर जताततै, बन्दुकहरू भुकेको बेला
नाजिस्काऊ साथी मलाई, मेरो देश दुखेको बेला

न्याय सत्य अधिकार र, शान्ति-सुरक्षा लुकेको बेला
दया माया भातृत्व र, मातृत्वको मुहान सुकेको बेला
मौकाको पर्खाइमा हाम्रा, कालापानीहरू ढुकेको बेला
पार्टी पार्टीहरू बिचको, एकताको गाँठो फुकेको बेला
नाजिस्काऊ साथी मलाई, मेरो देश दुखेको बेला

जन्मिएको माटो

  • by

बलि चाहिए धर्तीमाता चढ्छु तिम्रो साटो
आफू भन्दा प्यारो रहेछ जन्मिएको माटो

जति टाढा उति गाढा तिम्रो मेरो नाता
सक्तिन म हेर्न तिम्रो आशु मेरी माता

गुहार बुद्ध गुहार

मुर्ति बिरोधी तिम्रै मुर्तिहरूले गल्ली गल्ली ढाकिसके
शान्तिप्रिय नेपाली आखाहरू बाटो हेर्दै थाकिसके
मौलिक हक र अधिकारहरू नावातामे भएर ढलिसके
सह अस्तित्व सहकार्य र सहमति पत्कर सरी जलिसके

बाडुलीले पिछा गर्यो

बाडुलीले पिछा गर्यो तिम्ले सम्झियौ कि
बार्दलीमा काग कराउँछ खबर पठायौ कि

फरफरायो देब्रे आँखा भेट हुन हो कि
बाँचेकै छु छातीभित्र तिम्रो तस्बीर बोकी

जिन्दगी

सौन्दर्य पान गरेकाहरू  भन्छन कोमल फूल रहेछ जिन्दगी
जीवनसँग हारेकाहरू भन्छन इश्वरको भुल रहेछ जिन्दगी

मोज गर्नेहरू भन्छन सृष्टिको बरदान रहेछ जिन्दगी

नपर्खे बहिनी तिहारमा मलाई

नपर्खे बहिनी तिहारमा मलाई दोबाटो कुरेर
ओइलाई जाला नराखे अब फूल माला उनेर
आउने बाचा तोडेको  भनी नश्राप्नू मलाई
आउदो साल दिल खोली बहिनी हसाउँला  तिमीलाई

काँडा रहिछौ तिमी

फूल सम्झी टिप्न खोजें काँडा रहिछौ तिमी
कहिले चढ्न नसकिने डाडा रहिछौ तिमी

घाम जूनभन्दा पनि टाढा भैछौ तिमी
यो मायाको संसारभन्दा टाढा गैछौ तिमी
प्रेमिकाको आवरणमा चुडेल रहिछौ तिमी