चन्द्र भट्ट

१)
साँच्चै जिउनलाई त माया हुनुपर्छ
सहयोगी हातहरू दायाँ बायाँ हुनुपर्छ
थाके पनि जीवनमा सुस्केरा हाल्नलाई
बर–पीपलको शीतल छाँया हुनुपर्छ ।

१)
शिकार गर्ने मेरो तीर बिकेन
सधैं घोचिरहने यो पीर बिकेन
मलाई वारपार बनाइरह्यो सधैं,
खोटोको खोटै यो तकदिर बिकेन ।

१)
देखिएका अनि सुनिएका कुरा
गलत अनि सही ठानिएका कुरा
खुल्दुली हुन्छ मलाई जान्न कहिले
ईतिहासमा कहीं कतै कोरिएका कुरा ।

कसैसँग कसैको त्यो संस्कार मिल्ने हैन
मिले पनि अर्को कुरा व्यवहार मिल्ने हैन
प्रेमका प्यासी छन यहाँ अँझ थुप्रै तर
मन बुझ्ने कोही समझ्दार मिल्ने हैन ।

माया गर्ने उसको मन हरायो,
सँगै मर्ने भन्ने कसम हरायो ।

चोट दिन्छ यादले घरीघरी,
टाढा सर्ने त्यही सहर हरायो ।

१)
कोही कसैलाई खास छैन भन्छ ऊ
समय पनि एकनास छैन भन्छ ऊ
मान्छे एक र रुप अनेक भएदेखि
छैन अब त विश्वास छैन भन्छ ऊ ।

१)
सोचे जस्तो सबैको मन हुने भए
अलग मुटुको एक धडकन हुने भए
किन दुःखी हुनेथें र कहीं कोही
चाहे जस्तो कसीलो बन्धन हुने भए ।

१)
भएको छ उनको मालामाल भएको छ
मलाई भने ठिक उल्टो चाल भएको छ
उता अहिले ठुलो महलमा छिन उनी,
यहाँ मेरो चाहिं हाल बेहाल भएको छ ।

संघर्षमा मेरो कहिल्यै जित नभएर
दुखः छ आफ्नो कोही मित नभएर
चकित छु म यिनका रुप देखी यहाँ
कोही कसैसँग सम्बन्धित नभएर ।

१)
मलाई मेरो दिल दिलाएर जाऊ
फाटी सक्यो मन सीलाएर जाऊ
घरी घरी यादहरू आई दिन्छन आऊ
सक्तीन बाँच्न बिष पिलाएर जाऊ ।

१)
आफ्नो मनलाई रोक्न सकिन
तिमीबाहेक कोही रोज्न सकिन
सबै छोडी कतै टाढा जान खोजे
तर तिम्रो वियोग भोग्न सकिन ।

१)
जाँदैछौ जाऊ कहिल्यै बाटो नभुल्नु
आफू जन्मेको हुर्केेको माटो नभुल्नु
श्राप लाग्ला है फेरि आमा-वुवाको
बल्झिरहने घाउको खाटो नभुल्नु ।

एक)
आफ्नै जिन्दगीसँग बोल्न हिच्किचाउँछु
खै किन सबै कुरा खोल्न हिच्किचाउँछु
अनुहार एक तर रुप अनेक मान्छेका
सकिएन रुपहरू खोतल्न हिच्किचाउँछु ।

१
कतै तिमीबाट म पार भए भने
नजिक भएर नि बेकार भए भने
के गरेर दिन बिताउलीउ र खै,
तिमी माथि नै उल्टो भार भए भने

१)
कहिले वार कहिले पार बनायो
सधैं जीवन पनि, भार बनायो
भगवानले पनि आफ्नो सम्झौता,
बनायो खै किन, बेकार बनायो ।

बिल्कुलै नयाँ संसार बनाएर ।
ऊ गई मलाई वारपार बनाएर ।

अहिले ऊ ठुलो महलमा बस्छे,
आफ्नो जित मेरो हार बनाएर ।

१)
जुनेली मलाई त्यो रातमा नखोज्नु
मेरो माया अर्काको साथमा नखोज्नु
जिउदै जलाएर खरानी बनाएपछि,
केही छैन बाँकी मसानघाटमा नखोज्नु

१)
तिमी नभए नि जसो तसो, चलेकै छ
बाहिरी हाँसे नि भित्री मन, जलेकै छ
अरुहरूसँग नजिक हुन नसके नि मैले,
तिम्रो लागि भने यो दिल, गलेकै छ

१)
जिन्दगीमा कोही, खास नहुँदा
बस्ने कही आफ्नो, बास नहुँदा
बाँच्नै मुस्किल भइरहेकोछ यहाँ,
अँझै उसको याद, विनास नहुँदा ।

१)
मैले बस्ने शीतल, छायाँ तिमी भए
अक्सर मैले गर्ने, माया तिमी भए
जस्तोसुकै बाधा नि पन्छ्याउँथे,
सधैं मेरो, दायाँ-बायाँ तिमी भए